Ыргал Кадыралиеванын эки агасынын иши сотто бир каралат

© Sputnik / Табылды КадырбековЫргал Кадыралиеванын эки агасынын иши сотто бир каралат
Ыргал Кадыралиеванын эки агасынын иши сотто бир каралат - Sputnik Кыргызстан
Жазылуу
Жогорку Кеңештин депутаты Ыргал Кадыралиеванын 42 жаштагы жана 35 жаштагы эки агасынын иши Бишкек шаарынын Октябрь райондук сотунда каралат.

БИШКЕК, 12-июнь — Sputnik. Ыргал Кадыралиеванын эки агасы Улан Кадыралиев менен Канжар Кадыралиевдин сот иштери бир өндүрүштө экенин Жогорку соттун маалымат катчысы Айнура Токтошева Sputnik маалымат сайтынын кабарчысына билдирди.

Анын айтымында, 1973-жылы туулган Улан Кадыралиев бейбашчылык менен айыпталууда. 2014-жылы 26-ноябрда Башкы прокуратура ага карата бөгөт коюу чарасы катары эч жакка кетпөөнү тандаган. 

Ал эми 1980-жылы туулган Канжар Кадыралиев Кылмыш жаза кодексинин үч беренеси — алдамчылык, опузалап акча талап кылуу жана бейбаштык боюнча айыпталууда.

"22-июнда Октябрь райондук сотунда алардын иши каралат. Экөөнүн иши бир өндүрүштө", — деди Токтошева.

Здание Генеральной прокуратуры Кыргызской Республики - Sputnik Кыргызстан
Канжар Кадыралиевдин прокуратурага өзү келгени боюнча жактоочусу бир жактуу жооп айта албады
Канжар Кадыралиев сот отурумдарына келбегендиктен эл аралык издөөгө да алынган. Кийин анын Башкы прокуратурага өзү келгени кабарланган.

2015-жылы 27-мартта Бишкек шаарынын Октябрь райондук соту Канжар Кадыралиевдин баш коргоо чарасын карап, бир айга камакка алуу чечимин кабыл алган. 10-апрелде Бишкек шаардык сотунун сот коллегиясы биринчи инстанциянын токтомун жокко чыгарып, Кадыралиевге карата камакта кармоо чарасын үй камагына алмаштырган. Бирок Жогорку соттун сот коллегиясы Кадыралиевди бир ай камакка алуу чечимин чыгарган болчу.

Жаңылыктар түрмөгү
0