Лейлектин айылдарында селден кийинки калыбына келтирүү иштери жүрүп жатат

© Диляра ПарпиеваӨКМ кызматкерлери Лейлекте болгон селдин кесепетин тазалоодо. Архив
ӨКМ кызматкерлери Лейлекте болгон селдин кесепетин тазалоодо. Архив - Sputnik Кыргызстан
Жазылуу
Селден жабыркаган тургундарга өкмөт тарабынан жардам көрсөтүлөт.

БИШКЕК, 12-июнь— Sputnik. Лейлек районунда селден жабыркаган аймактарда калыбына келтирүү иштери кызуу жүрүп жатканын өкмөттүн Баткен облусундагы ыйгарым укуктуу өкүлүнүн маалымат кызматы билдирди. 

9-июнь күнү нөшөрлөгөн жаандын кесепетинен Лейлектин бир катар айылдарында сел жүрүп, бир топ үйлөрдү, талааларды суу каптап кеткен. 

© Диляра Парпиева9-июнь күнү нөшөрлөгөн жаандын кесепетинен Лейлектин бир катар айылдарында сел жүргөн.
1/3
9-июнь күнү нөшөрлөгөн жаандын кесепетинен Лейлектин бир катар айылдарында сел жүргөн.
© Диляра ПарпиеваЛейлек районунда селден жабыркаган аймактар.
2/3
Лейлек районунда селден жабыркаган аймактар.
© Диляра ПарпиеваЛейлек районунда селден жабыркаган үй.
3/3
Лейлек районунда селден жабыркаган үй.
1/3
9-июнь күнү нөшөрлөгөн жаандын кесепетинен Лейлектин бир катар айылдарында сел жүргөн.
2/3
Лейлек районунда селден жабыркаган аймактар.
3/3
Лейлек районунда селден жабыркаган үй.

11-июнда Баткен облусунун жетекчиси Жеңиш Раззаков Лейлек районуна иш сапары менен барып, селден жабыр тарткан Бешкент жана Кулунду айыл аймактарынын абалы менен таанышты. Натыйжада Кайрагач айылындагы Жаңы-Жер айыл аймагында сел алып кеткен суу түтүгүн тазалоо, оңдоо иштерин күчөтүп, тез арада элди таза суу менен камсыз кылууну тапшырды.

Раззаков сел кырсыгынан жабыркаган турак жайларды, "Кайрагач"” орто мектебин, №9 үй-бүлөлүк дарыгерлер тобунун имаратын калыбына келтирүү иштери менен таанышты.

"Учурда сел алып кеткен жерде тазалоо иштери жүрүп жатат. Жетекчи жергиликтүү өз алдынча башкаруу органдарына аймакты калыбына келтирүү жана тазалоо иштерин тездетүүнү тапшырып, өкмөт тарабынан тургундарга жана жаңы имарат курууга жардам көрсөтүлөөрүн белгиледи", — деп айтылат билдирүүдө.

Мындан тышкары Раззаков "Кулунду" каналынын жана "Тамчы-Сай" аймагында селден зыян тарткан жерлерде жүрүп жаткан калыбына келтирүү иштери менен таанышты. Жалпысынан бул жерде 7 даана техника иштеп, жергиликтүү тургундар тарабынан да жардам көрсөтүлүп жатат.

Жаңылыктар түрмөгү
0