Эки өлкөнүн чек арачылары Караколдо Меркуловго арналган мемориалдык такта ачышты

© Sputnik / Табылды КадырбековТактага коюлган гүлдөр. Архив
Тактага коюлган гүлдөр. Архив - Sputnik Кыргызстан
Жазылуу
Мемориалдык такталарды ачуу чек ара күзөтчүлөрүнүн кесиптик майрамына жана Москва шаарынан Жеңиштин 70 жылдыгына карата эстафетанын келишине арналган.

БИШКЕК, 25-май — Sputnik. Кыргыз жана россиялык чек арачылар дүйшөмбү күнү Улуу Ата мекендик согуштун катышуучусу, Советтер Союзунун баатыры Матвей Меркуловго арнап эстелик тактасын ачканы туурасында аскер тарыхчысы Леонид Сумароков билдирди.

Советтик баатыр чек арачылардын жаркын элесин түбөлүккө калтыруу демилгечисинин айтымында, мемориалды ачуу салтанаты Ысык-Көл областынын Каракол чек ара отрядында өттү.

"Баатыр чек арачылардын жаркын элесине Кыргызстан менен Россиянын чек ара жоокерлери дайыма таазим кылышына жеңүүчүлөрдүн аскер салттарын бузбай муундан муунга берип келе жатышы күбө. Жалпы эскерүү жана жалпы салттар бизди бириктирип турат", — дейт Сумароков.

Окумуштуу белгилегендей, дал ушул №16 Каракол чек ара комендатурасынан Улуу Ата мекендик согуш мезгилинде №162 Орто Азиялык аткычтар дивизиясынын курамында Курс үчүн согушкан жана Польшаны фашисттик баскынчылардан куткарууда өз каармандыгын көрсөткөн атактуу чек арачынын аскердик жолу башталган. Согуш аяктагандан кийин баатыр Чыгыш чек ара аймагында командалык кылып, Алматыдагы чек ара командачыларынын жогорку окуу жайын жетектеген.

"Кыргызстан менен Россияда жыл сайын 28-майда белигелнүүчү Чек арачылар күнүндө Советтер Союзунун баатыры Алексей Баксовго арналган эстелик тактасы ачылат. Ал 1929-жылдан тартып №14 Алай-Гүлчө чек ара комендатурасынын Кашка- заставасында кызмат өтөгөн", — дейт демилгечи.

Кыргызстандык альпинисттер "Мугалим" чокусуна мемориалдык такта орнотту
Ал белгилегендей, согуш учурунда баатыр өзүнүн кол башчылык жөндөмүн көрсөткөн. Олуттуу стартегиялык операциялардын жүрүшүндө дивизияга, корпуска командалык кылуу менен, Алексей Баксов бардык кармаштардан жеңүүчү болуп чыккан.

Мемориалдык такталарды ачуу чек ара күзөтчүлөрүнүн кесиптик майрамына жана Москва шаарынан Жеңиштин 70 жылдыгына карата эстафетанын келишине арналган.

Жаңылыктар түрмөгү
0