Күйдүргү дарты майлуусуулуктардын үчөөнөн аныкталды

© Sputnik / Григорий Сысоев / Медиабанкка өтүүЛаборатория. Архив
Лаборатория. Архив - Sputnik Кыргызстан
Жазылуу
Майлуу-Суу шаардык ооруканасында жаткан бейтаптар күйдүргү дарты бар малды союуга катышкан.

БИШКЕК, 18-фев. — Sputnik. Күйдүргү дарты Жалал-Абад облусундагы Майлуу-Суу шаардык ооруканасына алынып келинген бейтаптардын үчөөнөн аныкталганын Карантин борборунун жетекчиси Нурболот Үсөнбаев Sputnik кабарчысына билдирди.

Анын айтымында, күйдүргү дартынын териге тийиштүү формасы үч бейтаптан аныкталган.

"Калган төрт бейтаптан мындай диагноз азырынча аныктала элек. Маселе ачык бойдон калууда. Себеби, мал союуга катышкандар, дарыгерлерге кайрылганга чейин антибиотиктерди ичип, терилерине түрдүү дарыларды сүйкөшкөн", — деди ал.

Перегон скота на Джайлоо - Sputnik Кыргызстан
Жалал-Абадда 800дөн ашык мал күйдүргү дартына каршы эмделди
Учурда алардын абалы канааттандырарлык деп бааланууда жана жакын арада ооруканадан чыгат.

Карантин жарыяланган Майлуу-Суу шаарынын жана Көк-Таш айылдык округунун тургундарын үймө-үй кыдырып, текшерүү жүрүүдө.

Күйдүргү дартына шектелип 7 киши ооруканага жаткырылган. Алар күйдүргү дарты менен ооруган малды союуга катышкан.

Өзгөчө кырдаалдар министрлигинин маалыматына ылайык, союлган малдын эти сатылып кеткен. Жалпысынан 90 килограммдай эт сатылса, учурда анын 23 килограммы чогултулуп, санитардык эрежелер менен жерге көмүлгөн.

Жаңылыктар түрмөгү
0