02:11 08 Бештин айы 2016
Түз эфир
Улицы города Бишкек

Өлкөдө 2016-жылдан баштап оң рулдуу автоунаалардын жүргүнчү ташуусуна тыюу салынат

© Sputnik / Табылды Кадырбеков.
Коом
Кыскача шилтеме алуу
85 0 0

Жүргүнчү ташуучулар мындай тыюу салуу такси рыногуна өтө чоң сокку болорун жана көпчүлүгү көмүскө ишкердикке өтөт деп кооптонууда.

БИШКЕК, 16-дек — Sputnik. Кыргызстанда 2016-жылдын 1-январынан тарта оң рулдуу машинелердин жүргүнчү ташуусуна жана коммерциялык иштер менен алектенүүсүнө тыюу салынарын ИИМ Жол кайгуул кызматынын жетекчиси Сергей Дьяченко маалымат жыйында билдирди.

Айтымында, оң рулдуу машинелерди коммерциялык багытта колдонууга тыюу салуу боюнча мыйзам парламент тарабынан кабыл алынган жана белгиленген мөөнөттөн баштап иштейт.

"Ал эми оң рулдуу машинени коммерциялык багытта эмес, жеке колдонууга уруксат берилет", — дейт ал.

Шаардагы такси кызматтарынын биринин өкүлү Нурлан Батырканов биздин кабарчыга билдиргендей, жаңы киргизиле турган тыюу салуу аталган тармакта иштегендер үчүн чоң сокку. Ошондой эле ал жүргүнчүлөрдү ташыган такси кызматынын автопаркынын 60-70 пайызы оң рулдуу автоунаалар түзөрүн кошумчалады.

"Мен мындай тыюу салууга толугу менен каршымын. Жүргүнчү ташуучуларга даярданууга жана мыйзам чегинде иштөөгө мүмкүнчүлүк бериш керек. Катардагы жумушчулар үчүн бул өтө катуу сокку болот. Көпчүлүгү машинесин насыяга алган. Эгер алардын иштеп, акча табууга мүмкүнчүлүгү жок болсо, кантип төлөшөт?", — деп ал суроо салат.

Батырканов белгилегендей, бир айдоочу 10 саат иштеп, бир миңден эки миң сомго чейин акча табат. Ошол эле учурда машине тетиктерин карап, патенттин да наркын төлөөсү керек. Учурда патент баасы 520 сом турат. 

Коомчулук аталган тыюу салууну жеңил кабыл алуусу үчүн мамлекет керектүү кадамдарды жасашы зарылдыгын билдирген Батырканов жүргүнчү ташуу менен жан баккан жарандар нааразы болуп, иш таштоого барышы мүмкүндүгүн айтып кооптонду.

Тема боюнча

ЖК оң рулдуу унаа алып келүүгө тыюу салган мыйзам долбоорун колдоду
Оң рулдуу унааны өлкөгө алып кирүүгө тыюу салууну КСДПчылар колдоду
Белгилер:
Нурлан Батырканов, Сергей Дьяченко

ЭҢ МААНИЛҮҮ