Президент ЖК төрагасы, премьер жана Жогорку соттун төрайымы менен жылды жыйынтыктады

© Пресс-служба президента КР / Султан ДосалиевПрезидент Алмазбек Атамбаев бүгүн, 30-декабрда Жогорку Кеңештин төрагасы Чыныбай Турсунбеков, премьер-министр Сооронбай Жээнбеков жана Жогорку соттун төрайымы Айнаш Токбаева менен жолугушуу учурунда
Президент Алмазбек Атамбаев бүгүн, 30-декабрда Жогорку Кеңештин төрагасы Чыныбай Турсунбеков, премьер-министр Сооронбай Жээнбеков жана Жогорку соттун төрайымы Айнаш Токбаева менен жолугушуу учурунда - Sputnik Кыргызстан
Жазылуу
Өлкө башчысы жасала турган иштер али көп экенин, мурдагыдан да чымырканып, жакшы иштеп, бардык чөйрөлөрдө Кыргызстандын туруктуу өнүгүшүн камсыз кылуу зарылдыгын белгиледи.

БИШКЕК, 30-дек. — Sputnik. Президент Алмазбек Атамбаев бүгүн, 30-декабрда Жогорку Кеңештин төрагасы Чыныбай Турсунбеков, премьер-министр Сооронбай Жээнбеков жана Жогорку соттун төрайымы Айнаш Токбаева менен жолугуп, жыл жыйынтыгын чыгарды. Бул тууралуу өлкө башчынын маалымат кызматы билдирди.

Пресс-конференция президента КР Алмазбека Атамбаева по итогам 2016 года - Sputnik Кыргызстан
Атамбаев Конституцияны өзгөртүү боюнча мыйзамга кол койду
Мында жылдын негизги жыйынтыктары менен бирге өлкө жетекчилигинин 2017-жылдагы ишинин артыкчылыктуу багыттары талкууланды.

Президент 2016-жылы өлкө экономикасында, саясий жана маданий турмушунда маанилүү окуялар болгонун белгиледи.

Маалыматта өтүп бара жаткан жылы бүткүл элдик добуш берүүдө жарандар Кыргызстан мамлекеттүүлүгүн жана көз карандысыздыгын бекемдөөгө, мамлекет менен коом турмушунун ар кайсы чөйрөлөрүндөгү маанилүү реформаларды ишке ашырууга багытталган Конституцияга өзгөртүүлөрдү колдогону айтылат.

"Өткөн жыл көп жагынан биз үчүн жөнөкөй жыл болгон жок, бирок өлкө туруктуулукту сактоо менен маанилүү сыноолордон ийгиликтүү өтүп, келечекке ишенимдүү кадам таштады. Биз туура жолдо баратабыз, Кыргызстан улам чыңдалып, туруктуу өлкөгө айланууда. Бирок биз жасай турган иштер али көп, биз мурдагыдан да чымырканып, жакшы иштеп, бардык чөйрөлөрдө Кыргызстандын туруктуу өнүгүшүн камсыз кылуубуз керек. Болочоктогу өнүгүүнүн бекем пайдубалын түзүп, позитивдүү тенденцияларды мындан ары улантуу зарыл", — деди Атамбаев. 

Президент бардык бийлик бутактарынын жетекчилерине, алар аркылуу Жогорку Кеңештин депутаттарына, өкмөт мүчөлөрүнө жана судьялар корпусуна кыргыз элинин жыргалчылыгы үчүн жаратман иштеринде жаңы ийгиликтерди каалады.

Жаңылыктар түрмөгү
0