БИШКЕК, 22-дек. — Sputnik. ЕАЭБге мүчө мамлекеттердин башчылары Санкт-Петербургда бажы кодексин кабыл аларын президенттин аппаратынын тышкы саясат бөлүмүнүн башчысы Сапар Исаков маалымат жыйында билдирди.
Анын айтымында, 26-27-декабрда Санкт-Петербургда Жогорку Евразиялык кеңештин жана ЖККУнун жыйыны өтөт. Ага Кыргызстандын президенти Алмазбек Атамбаев дагы катышат.
"Күн тартибинде бир маселе бар. Аны кийинчерээк маалымдайбыз. ЕАЭБдин алкагында бажы кодекси кабыл алынат", — деди Исаков.
Ал ошондой эле Жогорку Евразиялык кеңештин жыйыны кышында өтөрү салтка айланып калганын кошумчалады.
