БИШКЕК, 19-сен. — Sputnik. Президент Алмазбек Атамбаев БУУнун Башкы Ассамблеясынын 71-сессиясындагы жалпы талкууга катышуу үчүн Нью-Йоркко жөнөп кетти. Бул тууралуу өлкө башчынын маалымат кызматы билдирди.
Иш сапардын алкагында Атамбаев сөз сүйлөп, Башкы катчы Пан Ги Мун, Ачык коом институтунун негиздөөчүсү Жорж Сорос жана ПРООНдун администратору Хелен Кларк менен эки тараптуу жолугушууларды өткөрөт.
Мындан тышкары, өлкө башчы АКШнын бир катар ири компаниялардын жетекчилери менен жолугушуусу каралууда.
