Атамбаев: эч кимге кол салбайбыз, кол салгандын колун сындырабыз

© Sputnik / Табылды КадырбековКыргыз Республикасынын президенти Алмазбек Атамбаев. Архив
Кыргыз Республикасынын президенти Алмазбек Атамбаев. Архив - Sputnik Кыргызстан
Жазылуу
Быйыл Кыргызстандын Куралдуу күчтөрүнүн түзүлгөнүнө 24 жыл толду.

БИШКЕК, 27-май — Sputnik. Бизге бөтөн элдин жеринин кереги жок, бирөөгө кол салалы деген ниетибиз да жок. Бирок, бирөөлөр бизге кол салса, колун сындырганга күчүбүз да, дараметибиз да жетет. Бул тууралуу президент Алмазбек Атамбаев Кыргызстандын Куралдуу күчтөрүнүн күнү менен куттуктоосунда айтты.

Согуш арагерлери. Архив - Sputnik Кыргызстан
Энелер күнүбү же Мекен коргоочуларбы? Өлкө кайсы майрамга көбүрөөк муктаж
Өлкө башчы Кыргызстандын Куралдуу күчтөрү өлкөнүн соңку жаңы тарыхы менен тагдырлаш экенин айтып, мамлекет менен кошо оор сыноолорду башынан өткөргөнүнө токтолду. Ал учурда Куралдуу күчтөр жаӊыланып, заманбап аскерий инфраструктурасы түзүлүп, аскер кызматкерлеринин маянасы көтөрүлүп, турак-жай, башка социалдык муктаждыктары чечилип жатканын белгиледи. 

"Ушу тапта дүйнөдөгү дээрлик бардык өлкөлөр, анын ичинде Борбор Азия региону терроризм менен экстремизм коркунучуна кабылганын белгиледи. Мындан тышкары региондо этностор аралык проблемалар, жер, суу, чек ара талаштары да курчуп турат. Айрым серепчилер бул көйгөй сөзсүз чыр менен бүтөт деп сайрап жатышат. Алар аз келгенсип, кээ бир өлкө башчылары да Борбор Азияда жер талаш, суу талаш согушка алып келет деп жыландын башын чыгарып жатышат", — деди президент.

Атамбаев мындай курч кырдаалда Куралдуу күчтөр ким кол салса да, андай кара санатай күчтөргө туруштук берип, мекенди душмандардан коргоого даяр болушу керек экенин баса белгиледи.

"Эзелтен кыргыздар тизелеп жашагандан көрө тик туруп, ажал тосконду артык көрчү. Ошондуктан, кыргыз аскерлери, ар бир кыргыз жараны эл үчүн, жер үчүн канын да, керек болсо жанын да аябайт деп мен ишенем! Бизге бөтөн элдин жеринин кереги жок, бирөөгө кол салалы деген ниетибиз да жок. Бирок, бирөөлөр бизге кол салса, колун сындырганга күчүбүз да, дараметибиз да жетет!", — деп айтылат куттуктоодо.

Өлкө башчы аскер кызматкерлерине, бардык кыргызстандыктарга кажыбас кайрат, чыӊ ден-соолук, ийгиликтерди каалады.

Жаңылыктар түрмөгү
0