Омбудсмен Пакистандагы элчи менен консулду иштен алууну талап кылат

© пресс-служба Жогорку Кенеша КРАкыйкатчы Кубат Оторбаев. Архив
Акыйкатчы Кубат Оторбаев. Архив - Sputnik Кыргызстан
Жазылуу
Пакистандагы элчилик Тышкы иштер министрлигине чындыкка дал келбеген маалыматтарды таратканын Акыйкатчы аппараты билдирет.

БИШКЕК, 18-апр. — Sputnik. Акыйкатчы аппараты Кыргызстандын Пакистандагы элчиси менен консулун кызмат ордуна шайкеш келүүсүн кароо үчүн Тышкы иштер министрлигине кат жөнөтүүгө ниеттенүүдө. Бул тууралуу Акыйкатчы аппаратынан билдиришти.

Маалыматка ылайык, элчиликтин кызматкерлери КР жаранынын Исламабадда болгон сот иштерине катышпай, ага керектүү укуктук жардамдарды берген эмес. Ошону менен бирге элчилик ТИМге жалган билдирүүлөрдү жиберген.

Ойноп жаткан балдар. Архив - Sputnik Кыргызстан
Акыйкатчы 6 жылдан бери алименттен баш тарткан атаны эки баласына 18 миң сом төлөттүрдү
Акыйкатчы аппаратынын билдирүүсү боюнча, аларга 2015-жылы Пакистанда убактылуу жашап жаткан КР жараны, аял киши Пакистан сотунун баласын кайтарып алуу боюнча чыгарган чечиминин аткарылышына көмөк көрсөтүүнү суранган.

Мындан улам, Акыйкатчы аппараты тышкы иштер министри Эрлан Абдылдаевдин атына кат жолдоп, жаранга керектүү укуктук жардам берүүнү суранган. Бирок, 5-апрелде кыргызстандык аял кайтадан Акыйкатчыга кайрылып, Тышкы иштер министрлиги тарабынан Акыйкатчы институтуна берилген маалымат чындыкка коошпой турганын айткан. Ошондой эле Пакистандагы элчиликтин ишине канааттанбаганын билдирген.

"Аял өз катында баласын кайтарып алуу боюнча Исламабадда болгон сот ишине элчиликтин бир да өкүлү катышпаганын белгилейт", — деп жазылат билдирүүдө.

Милиция кызматкерлери. Архив - Sputnik Кыргызстан
Акыйкатчы институту: милиция кызматкерлери жарандардын арыздарын кабыл албайт
Андан сырткары, ТИМ Акыйкатчынын аппаратына жиберген катында Пакистандагы элчилик КР жараны менен такай байланышта болуп, түшүндүрүү иштери жүргүзүлгөнү айтылган. Ошондой эле аталган аял элчиликтин ишине нааразы эместиги жана Омбудсмендин атына кат жолдобогону жазылган.

Мындан улам Акыйкатчы аппараты КРдин Пакистандагы элчилиги ТИМге жана аларга туура эмес маалымат таратып жатат деп, элчи Ибраев менен консул Аксамаевдин ээлеген кызматына татыктуулугун карап көрүү боюнча кат жиберүүгө ниеттенип жатат.

Жаңылыктар түрмөгү
0