Карамушкина Бабановго 250 миң сом төлөмөр болду

© Фото / пресс-служба ЖК КРДепутат Ирина Карамушкина. Архив
Депутат Ирина Карамушкина. Архив - Sputnik Кыргызстан
Жазылуу
Жогорку сот бүгүнкү күнгө чейин Бишкектин бир да сотуна жогорудагы чечим боюнча доо арыз түшпөгөнүн белгилейт.

БИШКЕК, 9-мар. — Sputnik. Бишкектин Свердлов райондук соту мурдагы депутат Ирина Карамушкинадан Өмүрбек Бабановдун пайдасына 250 миң сом өндүрүү боюнча чечим чыгарганын Жогорку соттун маалымат кызматы билдирди.

ЖК депутаты Бабанов Карамушкинанын былтыр 17-июнда айткан сөзү боюнча сотко кайрылган. Карамушкина түрмөдө жаткан Адина Турдубаеваны барып көргөнүн, анын абалы өтө оор экенин айткан. Мындан тышкары, Турдубаева анын курулуш бизнесин Бабанов тартып алганын билдирип, өлмөйүнчө түрмөдөн чыгарышпай турганын кошумчалаган.

Карамушкинанын бул билдирүүсү чындыкка дал келбейт деген жүйө менен Бабанов ар-намысын, ишкердик беделин коргоо максатында сотко кайрылып, экс-депутаттан беш миллион сом жана соттогу мыйзамдуу өкүлүнүн чыгымы үчүн 62 миң сом өндүрүп берүүсүн талап кылган.

Адахан Мадумаров. Архив - Sputnik Кыргызстан
Кыргызстанда "Бирдиктүү оппозициялык күч" кыймылы түзүлдү
Өткөн жылдын 22-декабрында Свердлов райондук соту Бабановдун доо арызын жарым-жартылай канааттандырып, 250 миң сом, ал эми юридикалык кызмат көрсөтүүгө 30 миң сом өндүрүү боюнча чечим чыгарды. Мындан тышкары, Карамушкина буга чейинки айтылгандарды төгүндөгөн материалды маалымат каражаттарына жарыялоого милдеттендирилди. 

Төгүндөөчү маалымат чечим күчүнө кирген убактан кийин эки жуманын аралыгында жарыяланууга тийиш.

Жогорку сот бүгүнкү күнгө чейин Бишкектин бир да сотуна жогорудагы чечим боюнча доо арыз түшпөгөнүн белгилейт.

Жаңылыктар түрмөгү
0