"РАЖ" вице-спикерге тиш кайрады, ал эми Алимбеков капачылык жок экендигин айтты

© Sputnik / Табылды Кадырбеков"Кыргызстан" фракциясынан вице-спикер болгон Нурбек Алимбеков. Архив
Кыргызстан фракциясынан вице-спикер болгон Нурбек Алимбеков. Архив - Sputnik Кыргызстан
Жазылуу
"Республика — Ата-Журт" фракциясы ЖКнын жыйынына Алимбековду ээлеген кызматынан алуу боюнча сунуш киргизди. Депутат Жээнчороев мындай кадамга мандатынан ажыратылган "Кыргызстан" фракциянын эки депутатынын ишин кароого болгон тоскоолдук түрткөнүн айтты.

БИШКЕК, 22-янв. – Sputnik. Жогорку Кеңештеги "Республика — Ата-Журт" (РАЖ) "Кыргызстан" фракциясынан вице-спикер болгон Нурбек Алимбековго ишенбөөчүлүк билдирди. Депутат Мирлан Жээнчороевдун пикиринде, Алимбеков "Кыргызстан" фракциясынын депутаттарын мандатынан ажыратуу боюнча БШКнын чечимин кароого тоскоолдук кылган.

Жогорку сот депутаттар –Жумалиева менен Эсенаманованын мандат чырына чекит койду
Жээнчороев вице-спикер парламенттин регламенти бузгандыгын, регламенттин 144-беренесине ("депутаттын этикасы") каршы келгендигин айтат. "РАЖ" Алимбековго ишенбөөчүлүк көрсөтүп ЖКнын кийинки жыйынында аны ээлеген кызматынан алууну кароону сунуштады.

Ал эми Алимбеков Sputnik Кыргызстан маалымат агенттигине жыйынды регламент боюнча алып баргандыгын айтты.

"Жыйынды мен регламенттин чегинде алып барганга аракет кылдым. "Республика — Ата-Журт" оппозициялык фракциянын катары мага ишеним көрсөтпөө маселесин жалпы жыйынга алып чыгууга укугу бар. Бул алардын өз иши. Аларга капачылык деле жок",— деди Алимбеков.

Алимбеков парламент кандай чечим чыгарса да, кабыл аларын айтты.

Регламент боюнча палата бул маселени 72 саатын ичинде карап чыгып, чечим кабыл алышы керек. "Республика — Ата-Журттан" бул документ спикреге 1-февралда жөнөтүлө тургандыгын билдиришти.

Жаңылыктар түрмөгү
0