Сарпашевдин күтүүсүз текшерүүсүнөн мекеме башчылары кызматынан айрылышы мүмкүн

© Пресс-служба президента КР / Султан ДосалиевМамлекеттик каттоо кызматынын төрагасы Тайырбек Сарпашев. Архив
Мамлекеттик каттоо кызматынын төрагасы Тайырбек Сарпашев. Архив - Sputnik Кыргызстан
Жазылуу
Кезекте турган адамдар Сарпашевден документтерди берүүнүн жолун жеңилдетүүнү суранып, муну менен бирге борбордун кызматкерлеринин чалпоолугуна нааразычылыгын билдиришти.

БИШКЕК, 27-ноя. — Sputnik. Мамлекеттик каттоо кызматынын төрагасы Тайырбек Сарпашев бүгүн Калкты тейлөө борборунун түндүк филиалын күтүүсүз текшерип, кезек күтүп турган жарандар менен баарлашты. Бул тууралуу аталган мекеме билдирди.

Элдин канча убакыттан бери кезек күтүп турганына кызыккан Сарпашев жарандардын 1-1,5 сааттан бери турганын укту. Мында жарандар негизинен ашкере бюрократияга нааразы экенин айтышты.

"Мен виза барактары түгөнүп калгандыктан болгону паспортумду алмаштырганы келгем. ID-карт менен жалпы жарандык паспорттордон тышкары, үйдүн китеби, №7 жана №1 форманы талап кылышууда. Мунун баарынын эмне кереги бар", — деди Нурдин аттуу жаран.

Кол кишен жана акча. Архив - Sputnik Кыргызстан
Ошто Каттоо кызматынын өкүлү пара алып жаткан жеринен кылтакка илинди
Кезекте турган адамдар Сарпашевден документтерди берүүнүн жолун жеңилдетүүнү суранып, муну менен бирге борбордун кызматкерлеринин чалпоолугуна нааразычылыгын билдиришти.

Жарандар менен баарлашкандан кийин Сарпашев ар бир бөлүмдү кыдырып чыкты. Мында беш кызматкердин жумуш орунунда жок экени аныкталган. Ал эми борбордун директору Алишер Досходжаевдин иш бөлмөсү таптакыр жабык болуп, анын кайда экенин билген киши болбоду. Сарпашев ошол жерден орун басарына чалып, кызматтык териштирүү дайындоону талап кылды. 

Мындан кийин МКК төрагасы калктын тейленишине өзгөчө көңүл бура турганын, жаңы жылга чейин Бишкекте дагы бир Калкты тейлөө борбору ачыла турганын маалымдады. 

"Ал жерде ар бир кызматкердин иш орду айнек тосмолор менен тосулат. Кимдин эмне иш кылып отурганы алаканга салгандай көрүнүп турат", — деп убада берди Сарпашев.

Ал учурда документ алуудагы бюрократизацияны азайтуу боюнча жумушчу тобу иш алып барып жатканын кошумчалады.

Жаңылыктар түрмөгү
0