Жыргалбек Саматов депутат болуп келмей болду

© Sputnik / Владимир Федоренко / Медиабанкка өтүүПортфель кармаган чиновник. Архив
Портфель кармаган чиновник. Архив - Sputnik Кыргызстан
Жазылуу
Жыргалбек Саматовду Россиянын жараны деген негиз менен Борбордук шайлоо комиссиясы ага мандат берүүдөн баш тарткан. Өз кезегинде ал Жогорку сотко кайрылган болчу.

БИШКЕК, 6-ноя. — Sputnik. Жыргалбек Саматовду "Республика — Ата-Журт" партиясынын тизмесинен чыгаруу боюнча Борбордук шайлоо комиссиясынын (БШК) чечимин Жогорку соттун жарандык иштер боюнча сот коллегиясы 5-ноябрдагы жыйынында жокко чыгарды. Бул тууралуу Жогорку соттун маалымат катчысы Айнура Токтошева билдирди.

Эми БШК Жогорку соттун чечимин аткарышы керек. Жогорку соттун чечими акыркы жана даттанууга жатпайт.

Борбордук шайлоо комиссиясы Жыргалбек Саматовду Россиянын жараны деген негиз менен ага мандат берүүдөн баш тарткан. Өз кезегинде ал Жогорку сотко кайрылган болчу.

"Жогорку соттун жарандык иштер боюнча сот коллегиясы БШКнын 27-октябрда чыгарган токтомун жокко чыгарды. Сот коллегиясы Жыргалбек Саматовдун көзөмөл арызын жарым жартылай канааттандырды. Көзөмөл арызда бир нече пунктар бар болчу. Ошонун ичинен БШК боюнча жазгандары канааттандырылды, башка пунктар канааттандырылган жок", — деди Токтошева.

Ал ошондой эле, Жогорку соттун толук чечими 2-3 күн ичинде даяр болорун кошумчалады.

Ал эми БШКнын мүчөсү Гүлнара Журабаева Жогорку соттун чечими боюнча атайын отурум боло турганын Sputnik агенттигине билдирди.

"Азыр Жогорку соттун коллегиясынын чечими келе элек. Аны юридикалык бөлүм карап, андан кийин БШКнын отурумуна алып чыгабыз", — деди Журабаева.

Сот балкасы. Архив - Sputnik Кыргызстан
Саматов Россиянын жараны эместигин соттон далилдеп бере алган жок
"Республика – Ата-Журт" партиясынын юристтери Саматов Россиянын жараны экенин жана ал Казань шаарында катталганын билдиришкен. Далил катары Федералдык миграция кызматынын Татарстан боюнча башкармалыгынан маалым каты көрсөтүп, Саматов Россиянын жараны экенин тастыктап беришкен.

Мындай маалыматтан улам БШК Саматовго депутаттык мандатты берүүдөн баш тартып, анын ордуна Болотбек Ибраимжановду каттаган.

Жаңылыктар түрмөгү
0