БШКнын жетекчиси Ташиевдин шайлоодон четтетилгенине түшүндүрмө берди

© Sputnik / Андрей Стенин / Медиабанкка өтүүКамчыбек Ташиев. Архив
Камчыбек Ташиев. Архив - Sputnik Кыргызстан
Жазылуу
Туйгунаалы Абдраимовдун айтымында, депутаттыкка талапкер Ташиев боюнча чечимди БШК мыйзамдын негизинде кабыл алды.

БИШКЕК, 30-сен. — Sputnik. Камчыбек Ташиев шайлоо өнөктүгүнөн башка талапкердин үгүт иштерин жүргүзүүсүнө тоскоолдук кылып мушташканы үчүн четтетилди. Бул тууралуу Борбордук шайлоо комиссиясынын төрагасы Туйгунаалы Абдраимов маалымат жыйында билдирди.

Адвокат: БШК Ташиев боюнча чечим кабыл алуу менен өз укуктарын аша чапты
Ташиевди шайлоо өнөктүгүнөн четтетүү чечимин Борбордук шайлоо комиссиясы дүйшөмбү күнү, 28-сентябрда кабыл алган. БШКнын мындай кадамга барышына Ташиевдин "Өнүгүү-Прогресс" саясий партиясынан депутаттыкка талапкер Абдыманап Абдыбахапов менен болгон мушташына карата козголгон кылмыш иши болгон. Окуя өткөн ишемби күнү, 26-сентябрда болгон. "Өнүгүү-Прогресс" партиясынын өкүлү учурда ооруканада дарыланууда.

Абдраимовдун айтымында, "Республика — Ата-Журт" партиясы жана Ташиев өзү тергөө бүтө элек жана эч нерсе далилдене элек деп жатышат.

"Бирок, БШК кимдин мурдун жана кабыргасын кантип сындырганын аныктай турган тергөө органы эмес. Талапкерди шайлоодон четтетүү үчүн мыйзам бузуунун катталганы эле жетиштүү", — деди ал.

Эгер керек болсо, талапкерлер сотко кайрылып, укуктук негизде чечип алышсын деди Абдраимов.

Парламенттик шайлоо жекшемби күнү, 4-октябрда өтөт. Ага 14 саясий партия ат салышууда.

Жаңылыктар түрмөгү
0