Атамбаев Россиянын субъектилеринин башчыларын кабыл алды

© Пресс-служба президента КР / Султан ДосалиевПрезидент Алмазбек Атамбаев Башкыртстандын башчысы Рустэм Хамитов менен.
Президент Алмазбек Атамбаев Башкыртстандын башчысы Рустэм Хамитов менен. - Sputnik Кыргызстан
Жазылуу
Президент кыргыз-орус региондорунун ортосундагы тыгыз кызматташуу кыргыз-россиялык көп пландуу мамилелериндеги артыкчылыктуу багыттардан экенин белгиледи.

БИШКЕК, 22-сен. — Sputnik. Президент Алмазбек Атамбаев Башкыртстандын башчысы Рустэм Хамитовду, Россиянын Новосибирск облусунун губернатору Владимир Городецкийди, Оренбург облусунун гебернатору Юрий Бергди, Саратов облусунун гебернатору Валерий Радаевди жана Россия президентинин чет өлкөлөр менен региондор аралык жана маданий байланыштар боюнча башкармалыгынын жетекчиси Владимир Черновду кабыл алды.

Россия субъектилеринин башчылары Бишкекке кыргыз-россиялык региондор аралык IV конференциясынын ишине катышуу үчүн келишкен.

ЕАЭБ алкагында кызматташууну бекемдөө максатында Россиядан делегация келет
Жолугушуунун жүрүшүндө Кыргызстан менен Россиянын региондорунун ортосундагы түз байланыштарды жөнгө салуу жана кеңейтүү маселелери, ошондой эле өлкөнүн ЕАЭБге кошулуусунун контекстинде түрдүү тармактарда конкреттүү долбоорлорду ишке ашырууда кызматташууну мындан ары өнүктүрүү келечеги талкууланды.

Атамбаев эки өлкөнүн региондорунун ортосундагы тыгыз кызматташуу кыргыз-россиялык көп пландуу кызматташуунун артыкчылыктуу багыты жана эки тараптуу өз ара аракеттенишүү комплексинин маанилүү бөлүгү экендигин белгиледи.

Конференцияга Кыргызстандын жана Россиянын тиешелүү мамлекеттик органдарынын өкүлдөрү, ишкерлер чөйрөсүнүн адамдары жана бейөкмөт уюмдарынын өкүлдөрү дагы катышат.

Жаңылыктар түрмөгү
0