Бердымухамедовдун мамлекеттик иш сапары соңуна чыкты

© Sputnik / Табылды КадырбековТүркмөнстан президенти Гурбангулы Бердымухамедов жана КР президенти Алмазбек Атамбаев. Архив
Түркмөнстан президенти Гурбангулы Бердымухамедов жана КР президенти Алмазбек Атамбаев. Архив - Sputnik Кыргызстан
Жазылуу
Эки тараптуу сүйлөшүүлөрдүн натыйжасында 15 документке кол коюлуп, президенттер маалымат каражаттары үчүн билдирүү жасашты.

БИШКЕК, 6-авг. — Sputnik. Түркмөнстандын президенти Гурбангулы Бердымухамедовдун Кыргызстанга болгон мамлекеттик иш сапары бүгүн, 6-августта аягына чыкканын өлкө башчысынын маалымат кызматы билдирет.

Бердымухамедов Жеңиш аянтындагы Өчпөс отко гүлчамбар койду
Иш сапардын алкагында КР президенти Алмазбек Атамбаев түркмөн кесиптеши менен чакан жана кеңейтилген чөйрөдө эки тараптуу сүйлөшүүлөрдү жүргүзүп, кыргыз-түркмөн кызматташуусуна байланышкан ар кыл маселелерди талкуулашты. Натыйжада 15 документке кол коюлуп, эки өлкө башчы маалымат каражаттары үчүн билдирүү жасашты.

Бүгүн, 6-августта Алмазбек Атамбаев жана Гурбангулы Бердымухамедов бүгүн Жеңиш аянтындагы Өчпөс отко гүлчамбар коюшуп, Улуу Ата Мекендик согушта курман болгондордун элесине таазим этишти.

Андан соң Атамбаев эл аралык "Манас" аэропортунан Түркмөнстандын президенти Гурбангулы Бердымухамедовду мекенине узатты. Узатуу аземине өкмөт мүчөлөрү жана бир катар расмий өкүлдөр катышты.

Жаңылыктар түрмөгү
0