10:38 03 Бештин айы 2016
Түз эфир
Рабочий визит В.Путина в Киргизию

Президент Алмазбек Атамбаев кийинки президенттик мөөнөткө барбайт

© Sputnik / Сергей Гунеев
Саясат
Кыскача шилтеме алуу
12 0 0

Алмазбек Атамбаев кийинки президенттик шайлоого катышпай тургандыгын, эл үч жылдан кийин келерки мамлекет башчысын шайлап аларына ишеним артып тургандыгын айтты.

БИШКЕК, 2-дек — Sputnik. Алмазбек Атамбаев кийинки президенттик шайлоого катышпай тургандыгын дүйшөмбү күнү кечинде республикалык телеканалдарга берген маегинде баса белгиледи. Бул туурасында ал КРдин Баш мыйзамына өзгөртүү киргизбөө туурасында пикирин билдирип жатып айтты.

"Өзүм жөнүндө да айтайын. Менин президенттик мөөнөтүмдүн бүтөөрүнө деле 3 жыл калды. Эгерде өз жаныңды бакпай, туугандарыңды, чөнтөгүңдү эле ойлобой, Кыргызстан үчүн иштейм десең президент болуп иштеш өтө кыйын. Алты жыл жакшы иштеп, жакшы иштерди бүтүрүп берип кетсем, мага ошол деле жетишет. Мөөнөтүмдү узартайын, калайын деген оюм такыр жок. Үч жылдан кийин элибиз президентин таап, шайлап алат деп ойлоп турам",— деди президент Атамбаев.

Мындан туура 3 жыл мурда, тактап айтканда, 2011-жылдын 1-декабрында азыркы президент Алмазбек Атамбаевге өткөөл мезгилдин президенти Роза Отунбаева бийликти расмий түрдө тапшырган. Өлкөнүн 4-президенти алгачкы эки президенттен айырмаланып, бийликти расмий түрдө өткөрүп алган биринчи президент.

Белгилер:
Шайлоо, Роза Отунбаева, Алмазбек Атамбаев

ЭҢ МААНИЛҮҮ