Парижде fashion-индустриясында абройлуу деп саналган Мода жумалыгы соңуна чыкты. Словакияда Ондрей Непела атындагы стадиондо көркөм муз тебүү боюнча Европа чемпионаты өтсө, Мельбурнда теннис боюнча Австралиянын ачык чемпионаты аяктады.
Бишкекте Дайыр Асанов атындагы Жеңиш паркында Ленинграддын блокададан бошотулган күнү белгиленип, митинг-реквием өттү.
Түштүк Америкада Зика эпидемиясы уланууда. Вирус кош бойлуулар үчүн өтө кооптуу болуп саналат, себеби ал түйүлдүктүн мээсине доо кетириши мүмкүн.
Грецияда пенсиялык реформага жана салык көлөмүнүн жогорулашына каршы нааразылык акция болуп өттү. Фермерлер азык-түлүктү бекер таратышты.
Голливуд актеру Леонардо Ди Каприо Рим папасы Франциск менен жолугушуп, экология маселелерин талкуулады. Анын фонду Кыргызстандагы маралдарды популяциясын калыбына келтирүү үчүн каражат бөлүп берди.
Москванын чыгыш бөлүгүндөгү өрт 12 адамдын өмүрүн алып кетти. Алардын ичинде 8 кыргызстандык, Россиянын жарандыгын алган эки кыргыз жана Өзбекстандын эки жараны бар экени белгилүү болду.
Голливуд актеру Леонардо Ди Каприо Рим папасы Франциск менен жолугушуп, экология маселелерин талкуулады.
Айлана-чөйрөнү коргоо боюнча уюмдун активисттери айлана-чөйрөнү коргоого арналып, 2015-жылдын июнь айында жарыкка чыккан папанын макаласын колдоого алышкан. Уюмдардын биринин курамында Ди Каприо бар
Айлана-чөйрөнү коргоо боюнча уюмдун активисттери айлана-чөйрөнү коргоого арналып, 2015-жылдын июнь айында жарыкка чыккан папанын макаласын колдоого алышкан. Уюмдардын биринин курамында Ди Каприо бар
Британиялык теннисчи Энди Маррейдин чагылышкан элеси. Ал Австралияда өткөн ири шлем турниринин финалында дүйнөнүн биринчи ракеткасы Новак Жоковичтен утулуп калды. Беттешүү 2 саат 53 мүнөткө созулду. Аталган теннисчилер ушу кезге чейин кортто 31 ирет жолугуп, анын 22синде Жокович жеңишке жетишкен. Сербиялык спортчу Ири шлем турнирин 11 ирет утуп алган теннисчи болуп саналат. Бул жааттагы рекорд швейцариялык Роджер Федерерге (17) таандык
Германиялык теннисчи Ангелика Кербер Австралияда өткөн Ири шлем турниринде кыз-келиндер арасындагы мелдешти жеңип алды. Кербе дүйнөнүн биринчи ракеткасы Сирена Уильямс менен беттешип, 6:4, 3:6, 6:4 эсеби менен жеңишке жетишти. 28 жаштагы спортчу өмүрүндө биринчи жолу Ири шлем турниринин башкы байгесине ээ болду
Екатерина Боброва менен Дмитрий Соловьев (Россия) Братиславада көркөм муз тебүү боюнча өтүп жаткан Европа чемпионатында. Аталган дуэт коло медалга ээ болду. Жеңишке дүйнө чемпиондору жана Европанын былтыркы чемпиондору франциялык Габриэлла Пападакис менен Гийом Сизерон жетсе, ал эми күмүш медалды италиялыктар Анна Каппеллини менен Лука Ланотте тагынышты
Турнир Ондрей Непела атындагы стадиондо өтүп, мелдешке 33 мамлекеттен 159 спортчу катышты.
Турнир Ондрей Непела атындагы стадиондо өтүп, мелдешке 33 мамлекеттен 159 спортчу катышты.
Кытайдын элдик-боштондук армиясы Синьцзян-Уйгур автономдуу округда жайгашкан аскердик базада машыгуудан өтүп жатат
Пакистандын Карачи шаарында өткөн массалык үлпөт тоюндагы жаштар. Мында 60 түгөйгө нике кыйылды. Көп жылдан өтүп келген бул иш-чаралар каражаттын жетишсиздигинен үй-бүлө кура албай жүргөн жаштарды колдоо максатын көздөйт
2015-жылдын апрель айынан баштап Бразилияда, андан кийин Түштүк Американын башка өлкөлөрүндө Зика тумоосунун эпидемиялык жайылуусу күч алган. Вирус түйүлдүктүн баш мээсине доо кетирүүгө жөндөмдүү болгондуктан, кош бойлуулар үчүн өтө кооптуу болуп саналат.
26-январь күнү бразилиялык ооруканалардын биринен ушундай диагноз менен ымыркай төрөлдү
26-январь күнү бразилиялык ооруканалардын биринен ушундай диагноз менен ымыркай төрөлдү
Түндүк Жакартанын Кампунг Бандан станциясында жалын 100дөн ашуун жыгач үйдү каптап кетти.
Техника коопсуздугун сактабастан колго жасалган өткөргүчтөрдү пайдалануудан келип чыккан өрт Жакартанын жакыр аймагындагы байма-бай кездешүүчү көрүнүш
Техника коопсуздугун сактабастан колго жасалган өткөргүчтөрдү пайдалануудан келип чыккан өрт Жакартанын жакыр аймагындагы байма-бай кездешүүчү көрүнүш
Шанхай мунарасы, Дүйнөлүк финансы борбору жана Цзинь Мао мунарасынын фонунда жаан жаап жаткандагы бактын элеси.
Нефтинин арзандашынан улам кытай биржаларынын индекси 13 айлык чектен төмөндөп кетти
Нефтинин арзандашынан улам кытай биржаларынын индекси 13 айлык чектен төмөндөп кетти
Грециялык фермерлер пенсиялык реформа жана салык төлөмүнүн жогорулашына каршы өткөн нааразылык акцияларында азык-түлүктөрдү акысыз таратты. Акцияга мамлекеттик жана жеке сектордун кызматкерлери, пенсионерлер жана студенттердин катышканы айтылууда.
Греция өкмөтү 4-январда пенсия жана социалдык камсыздандыруу системаларын өзгөртүү планын жарыялаган. Реформа болочоктогу пенсионерлердин ала турган акчасынын көлөмүн кыйла кыскартуу, пенсиянын негизги көлөмүн сактоо, төлөмдөрдү жогорулатуу жана бирдиктүү камсыздандыруу фондун түзүүнү шарттайт
Греция өкмөтү 4-январда пенсия жана социалдык камсыздандыруу системаларын өзгөртүү планын жарыялаган. Реформа болочоктогу пенсионерлердин ала турган акчасынын көлөмүн кыйла кыскартуу, пенсиянын негизги көлөмүн сактоо, төлөмдөрдү жогорулатуу жана бирдиктүү камсыздандыруу фондун түзүүнү шарттайт
Франциядагы массалык иш таштоо "кара шейшемби" деген аталышка ээ болду. Профсоюздардын чакырыгына 5,5 миллион мамлекеттик кызматкер, таксист, фермер жана авиадиспетчерлер үн катты
Парижде Мода жумалыгы соңуна чыкты.
Сүрөттө: Viktor & Rolf коллекциясы.
Дүйнөнүн мыкты модельерлери жаз-жайкы сезонго багыт бергени айтылууда. Париждеги жумалык сезонду жаап, fashion-индустриядагы абройлуу иш-чара болуп саналат
Сүрөттө: Viktor & Rolf коллекциясы.
Дүйнөнүн мыкты модельерлери жаз-жайкы сезонго багыт бергени айтылууда. Париждеги жумалык сезонду жаап, fashion-индустриядагы абройлуу иш-чара болуп саналат
Бишкекте Дайыр Асанов атындагы паркта өткөн кар уруш. Көңүлдүү иш-чарага 200дөн ашуун киши катышты
Сантьяго шаарынын көчөлөрүндө экзотикалык бийлердин аткаруучусу
Ленинграддын блокададан бошотулганын 72 жылдыгына арналган митинг-реквием. Иш-чара ленинграддыктардын эрдигине арналган эстеликке гүл коюу менен коштолду. Бүгүнкү күндө Бишкекте 18 блокадачы жашап, аларга мамлекет материалдык жардам көрсөтүп келет
Москванын өнөр жай имаратынын биринде өрт чыгып, андан 3 миң чарчы метр аянтты ээлеген жайдын чатыры кулап түшкөн. Өрт өчүрүү маалында 12 адамдын сөөгү табылган. Сегиз кыргызстандыктын арасында бир өспүрүм бар экени айтылууда, баары тең Баткен облусунан экендиктери белгилүү болду. Алардан тышкары, көз жумгандардын арасында Россиянын жарандыгын алган эки кыргыз жана эки Өзбекстандын жараны болгон.
Бул боюнча учурда кылмыш иши козголду.
Бул боюнча учурда кылмыш иши козголду.
