Спикерликке аттанган Исаев менен Төрөбаевдин мүмкүнчүлүктөрү кандай? Эксперттердин пикири

Жазылуу
Парламенттен Жогорку Кеңештин төрагалыгына фракция лидерлери Канат Исаев менен Бакыт Төрөбаевдин талапкерлиги боюнча сүйлөшүүлөр жүрүп жатканын билдиришти.

БИШКЕК, 13-апр. — Sputnik. Бүгүн Жогорку Кеңештин төрагасы Асылбек Жээнбеков кызматын тапшырып, учурда анын ордуна эки талапкер — фракция лидерлери Канатбек Исаев менен Бакыт Төрөбаевдин ысымы аталууда. 

Төмөндө саясат таануучулар бул эки талапкер боюнча пикирлерин билдирип, биринчисинин артыкчылыгы — тажрыйбасы дешсе, экинчисиники — элди мунасага келтире алат дешти. 

Саясий маселелер боюнча эксперт Кубан Табалдиев негизги жакшы көрүнүш — алардын жаштыгы менен курчтугу экендигин айтты.

"Эки жаш партиялар — "Кыргызстан" жана "Өнүгүүдөн" чыккан талапкерлер жаштыгы, курчтугу, саясий дымагы менен айырмаланып турушат. Менин жеке баамымда Бакыт Төрөбаевге караганда Канатбек Исаевдин мүмкүнчүлүгү көбүрөөк. Анткени, анын мамлекеттик кызматтагы тажрыйбасы бар", — деди Табалдиев.

© пресс-служба ПП "Кыргызстан""Кыргызстан" фракциясынын лидери Канат Исаев
Ход выборов в Жогорку Кенеш 2015 – село Калиновка  - Sputnik Кыргызстан
"Кыргызстан" фракциясынын лидери Канат Исаев

Саясат таануучу Бакыт Бакетаев "Өнүгүү" фракциясынын лидери бийликтин да, оппозициянын да тилин табат деген пикирде. 

"Төрөбаев саясий ар кандай кайчы пикирлерде маселенин ортосун таап, мунасага алып келе турган сапаты бар. Эгер спикер болсо башкаруу бийлигинин тилин табат, андан сырткары оппозицияга да шарт түзүп берип, ортого тартат", — деди Бакетаев. 

© Фото / пресс-служба ЖК КР"Өнүгүү" фракциясынын лидери Бакыт Төрөбаев
Вице-спикер Жогорку Кенеша Бакыт Торобаев - Sputnik Кыргызстан
"Өнүгүү" фракциясынын лидери Бакыт Төрөбаев

Ал эми "Кыргызстан" фракциясынын лидери Исаев туурасында пикирин билдирип, спикерликти алып кете алат деген оюн айтты.

"Исаевдин мурдагы өкмөт башчы Сариевдин кетишине тиешеси бардыгы айтылып келет. Бул боюнча маселенин этикалык жагы бар… Аны эсепке албаганда, Исаев да жакшы спикер болуп бергенге даяр. Ал өсүп келе жаткан партиянын лидери", — деди саясий эксперт.

Жогорку Кеңештин төрагалыгына Канат Исаев менен Бакыт Төрөбаевдин талапкерлиги боюнча сүйлөшүүлөр жүрүп жатканын мындан мурдараак парламенттин вице-спикери Нурбек Алимбеков билдирген.

Жаңылыктар түрмөгү
0