Ростов-на-Донудагы авиакырсыктын себеби учкучтардын чатагына байланыштуу болушу ыктымал

© Sputnik / Сергей Пивоваров / Медиабанкка өтүүРостов-на-Донуда болгон авиакырсыктын калдыктары. Архив
Ростов-на-Донуда болгон авиакырсыктын калдыктары. Архив - Sputnik Кыргызстан
Жазылуу
Башкы учкуч ылдамдык алуу максатында, кыймылдаткычтын иштөө режимин жогорулаткан. Ал эми анын шериги учактын тумшугун ылдый түшүрүү керек деп эсептеген.

БИШКЕК, 28-мар. — Sputnik. Ростов-на-Донуда болгон авиакырсык кабинадагы экипаждын пикир келишпестигине байланыштуу болушу мүмкүн. Бул тууралуу "Коммерсант" гезити кырсыкты иликтөөгө алган ишенимдүү булагына таянып жарыялаганын РИА Новости жазып чыкты.

Авиакырсыктан көз жумган Насирдинованы таанууга келгендерге мекендештер жардам берүүдө
Эске салсак, Дубайдан келе жаткан жүргүнчү ташуучу Boeing 737-800 учагы Ростов-на-Дону шаарында кыйроого учураган. ӨКМнын маалыматына ылайык, кырсыктан 62 адам — 55 жүргүнчү жана экипаждын жети мүчөсү көз жумган. Алардын арасында Кыргызстандын жараны, аталган компанияда беш жылдан бери иштеп келе жаткан 28 жаштагы Жылдыз Насирдинова да болгон.

Гезит жазган маалыматка ылайык, кырсыкты иликтөөгө алган адистер учакта жайгашкан үн жазуучу жабдуулардагы жазылмаларды чечмелеп, окуянын жүрүшүн түзө алышкан. 

Адистердин болжому боюнча, учкучтар конуу режиминен бийиктикке учуу режимине өтүүдө учактын өзгөчөлүктөрүн эске алышкан эмес. Буга байланыштуу, учак бийиктикти акырындык менен багынтуунун ордуна аскердик учак сымал бийиктикке бет алган. 

"Учкучтар чарчаганбы же тажрыйбанын жетишсиздигиненби айтор, көйгөй жаралгандыгы тууралуу учактын берген белгисин байкашкан эмес. Качан гана ылдамдык төмөнкү деңгээлге түшүп кеткенде, кабинада пикир келишпестик жаралган", — деп билдиришет адистер. 

Башкы учкуч ылдамдык алуу максатында, кыймылдаткычтын иштөө режимин жогорулаткан. Ал эми анын шериги учактын тумшугун ылдый түшүрүү керек деп эсептеген. Ал "Токто. Кайда?" деп кыйкырып, бийиктик алуу ылдамдыгын токтотууга аракет жасаган. 

Акырында экипаж бир пикирге келе алган, бирок, кырдаалды өзгөртүүгө кеч болуп калган. 

Жаңылыктар түрмөгү
0