АКШ менен Европа тургундары экономикалык абал начарлап жатат деп эсептешет

© Sputnik / Владимир Трефилов / Медиабанкка өтүүДоллар жана евро акчалары. Архив
Доллар жана евро акчалары. Архив - Sputnik Кыргызстан
Жазылуу
Француздардын беш пайызы гана өлкөдө экономикалык кырдаал жакшырат дегенге ишенет.

БИШКЕК, 22-мар. — Sputnik. Француздардын көпчүлүгү (59 пайызы) өлкөдө экономикалык кырдаал начарлап бара жатат деп эсептей турганы Sputnik.Пикирлер сурамжылоосунун натыйжасында аныкталды.

АКШ жана Улуу Британия жашоочулары (37 пайызы) улуттук экономика оор кезеңди башынан кечирип жатканын айтышкан. Мындай маалымат Sputnik Эл аралык агенттиги жана радиосу үчүн Populus, Forsa жана Ifop изилдөө компаниялары тарабынан жүргүзүлгөн.

© SputnikАКШ менен Европа тургундары экономикалык абал начарлап жатат деп эсептешет
АКШ менен Европа тургундары экономикалык абал начарлап жатат деп эсептешет - Sputnik Кыргызстан
АКШ менен Европа тургундары экономикалык абал начарлап жатат деп эсептешет

Франциянын жашоочулары башкаларга караганда экономика өнүгөт дегенге азыраак ишенет (5 пайыз), ал эми сурамжылоого алынган ар бир үчүнчү респондент эч кандай өзгөрүү байкаган эмес. АКШ менен Британияда да экономика өйдөлөбөйт дегендердин саны жетишерлик — 34 жана 27 пайыз.

Европа менен америкалыктардын үчтөн бири Крымды Россиянын жери деп эсептейт
Германиялыктар экономиканын абалына көп баштарын оорута бербейт — 58 пайызы экономикалык кырдаал мурункудай экенин айтса, 22 пайызы начаралап бара жатканын белгилеген. Ал эми 17 пайыз эл экономика өнүгүп жатат деп эсептейт.

АКШ менен Улуу Британиядагы сурамжылоону 3-4-февраль күндөрү Populus компаниясы, Германияда 4-8-февраль күндөрү Forsa, ал эми Францияда 3-5-февраль күндөрү Ifop компаниясы жүргүзгөн. Ага АКШда 1004, Германияда 1002, Францияда 1499 жана Улуу Британияда 1047 адам катышкан.

Коомдук пикирди изилдөө боюнча эл аралык долбоор 2015-жылдын январында башталган. Долбоордун өнөктөшү белгилүү Populus жана Ifop изилдөө компаниялары болду. "Sputnik. Пикирлер" долбоорунун алкагында Европа жана АКШ өлкөлөрүндө маанилүү социалдык жана саясий маселелер боюнча сурамжылоолор үзгүлтүксүз жүргүзүлөт. 

Sputnik (sputniknews.com) — ондогон өлкөлөрдө мультимедиялык маалыматтык хабдарга ээ маалымат агенттиги жана радио. Sputnik өзүнө сайттарды, аналогдук жана санарип радиоберүү, социалдык тармактарда баракчаларды камтыйт. Sputnik маалымат түрмөгүнө жазылгандар үчүн англис араб, испан жана кытай тилдеринде кабарлар күнү-түнү жаңыланып турат.

Жаңылыктар түрмөгү
0