Эксперт: Оторбаевдин кетиши күзүндөгү шайлоого байланыштуу болушу мүмкүн

© Sputnik / Владимир Федоренко / Медиабанкка өтүүПортфель. Архив
Портфель. Архив - Sputnik Кыргызстан
Жазылуу
Өкмөттүн 2014-жылы аткарган ишин Жогорку Кеңеш канааттандырарлык деп тапкандан кийин Жоомарт Оторбаев отставкага кете турганын билдирди.

БИШКЕК, 23-апр. — Sputnik. Премьер-министр Жоомарт Оторбаевдин отставкага кетиши күзүндөгү парламенттик шайлоого байланыштуу болушу мүмкүндүгүн саясат таануучу Марс Сариев Sputnik сайтына билдирди.

Өкмөттүн 2014-жылы аткарган ишин Жогорку Кеңеш канааттандырарлык деп тапкандан кийин Жоомарт Оторбаев отставкага кете турганын айтты.

"Ар-Намыс" фракциясынын депутаты Дастан Бекешев Twitter социалдык тармагындагы баракчасына: "Өкмөттүн отчетунан кийин Оторбаев отставкага кетет. Премьер-министрди коррупция боюнча күнөөлөй албайсың. Бирок ал абдан чечкинсиз", — деп жазды.

Жоомарт Оторбаев. Архив - Sputnik Кыргызстан
Жоомарт Оторбаев: отставкага кетүүнү чечтим
Саясат таануучу Марс Сариев өкмөт башчысынын отставкага кетиши Кумтөр маселесине жана өкмөттүн отчетуна байланыштуу эмес деген пикирде. Анын кетиши күзүндө боло турган шайлоо менен байланышкан. 

Сариев ошондой эле, учурда өкмөттөн "Ата Мекен" фракциясы көрсөткөн кишилер кетип жатканын кошумчалап, анын лидери Өмүрбек Текебаевге азыркы бийликке оппозиция болуу пайдалуураак болуп жатканын билдирди.

"Ал ушундай жол менен шайлоочулардан упай топтоп, Жогорку Кеңешке болчу шайлоодон өтүп кетүүгө жакшы мүмкүнчүлүк алат", — деди эксперт.

Оторбаев өкмөттү былтыр 9-апрелден тартып башкарып келген.

Жаңылыктар түрмөгү
0