Тажикстандык эксперт: акча алмаштыруу жайларын жабуу көйгөйдү чечпейт

Жазылуу
Ал арада Кыргызстандын Улуттук Банкы өлкөнүн аймагындагы акча алмаштыруу жайларынын ишмердүүлүгүнө тыюу салган мыйзам долбоорун демилгелеп жатат.

БИШКЕК, 20-апр. — Sputnik. Акча алмаштыруучу жайларды жабуу экономикалык абалды кыйындаткандан башка эч нерсе алып келбейт деп билдирди Sputnik маалымат сайтына Тажикстандык экономист, "Эркин рынок" уюмунун төрагасы Константин Бондаренко.

Тажикстандын Улуттук банкы өлкөнүн акча алмаштыруучу менчик жайларын жапты
Тажикстанда17-апрелде 800гө жакын акча алмаштыруучу жайлар жабылып, иши токтогон. Ал арада Кыргызстандын Улуттук Банкы да акча алмаштыруучу жайларды жабуу боюнча мыйзам долбоорун демилгелеген. Мунун себебин Улуттук Банк "акча алмаштырган менчик жайлардын пайданы артынан түшүп алган кызыл кулактык чабуулдарынын" айынан келип чыкты деп түшүндүрдү.

Бондаренконун айтымында, акча алмаштыруучу жайларды жабуу — Тажикстандын Улуттук Банкында резервдердин жоктугунан улам келип чыкты. Андыктан, ал Тажикстандын улуттук валютасы — сомонинин курсун турукташтырууга интервенция кылууга кубаты жетпей жатат деген пикирин билдирди. 

"Акча алмаштыруучу жайларды жабуу көйгөйдү чечпейт. Долларга болгон суроо-талап улана берет. Бизнесмендер чет өлкөдөн товарларды да сатып алышы керек. Эгерде коммерциялык банктар чет элдик валютага болгон суроо-талапты канаааттандыра албаса, аны кызыл кулактык кылгандар жасашат", — деп айтты Тажиктстанадагы абал боюнча пикирин билдирген адис. 

Андан сырткары көмүскө валюта рыногунда акча алмаштыруу жайларды жабуу өзү менен кошо кесепеттерди алып келет, салык төлөмдөрүнүн кыскарышы өлкө бюджетине терс таасирин тийгизет.

Жаңылыктар түрмөгү
0