12:07 04 Бештин айы 2016
Түз эфир
Деньги в руках

Мигрант: Кыргызстанга салган акчаларыбыздын берекеси кетти

© Sputnik / Табылды Кадырбеков.
Ой-пикир
Кыскача шилтеме алуу
Бир миллионго жакын КР жараны эмгек миграциясында экени айтылат (21)
91 0 0

Россия аймагында иштеп жүргөн кыргызстандык эмгек мигранттары аталган өлкөдө рублдин баасынын түшүп кетиши алардын жашоосуна сезилээрлик таасирин тийгизип жаткандыгын айтышууда.

БИШКЕК, 4-дек — Sputnik. Москва шаарына барып иштеп жаткан мекендешибиз Салика Ибраимова Россияда рублдин арзандашы Кыргызстандан барган мигранттарды түйшөлтүп жаткандыгын биздин кабарчы менен болгон маегинде айтып берди.

"Россиянын башка шаарларын билбейм, бирок, Москвада рублдин арзандап кетиши Кыргызстандан келгендерди ойго салууда. Бул жакка акча табам, үй-бүлөмдү багам, материалдык абалымды оңдойм деп келгендердин көбүнүн көңүлү чөгүп жаткан кез", — деди Салика Ибраимова.

Салика рублдин куну качып, Кыргызстанга салган акчаларынын берекесиз болуп жаткандыгын айтып, бир айлык чыгымын да эсептеп берди. 

"Картина сиздерге түшүнүктүү болуш үчүн айтсам, азыр мигранттарга Россияда жашоо үчүн патент киргизилген, анын баасы — 4000 рубль, бир кишиге жаткан жай, бизде "койка" деп коёт, ал — 5000 рубль, жол киреге 2000 рублдин тегерегинде кетет, андан сырткары тамак-аш жана кийимге жумшалат. Эгерде мигрант орточо эсеп менен 15 000 рубль алса, ал кара жанын бакканга эле кетүүдө. Ал эми үйгө акча салуу рубль арзандагандан бери кыял боюнча калууда. Кыргызстанга салган акчаларыбыздын куну качты. Мисалы, жакында 10 000 рубль салдым эле, үйдөгүлөр аны сомго айландырганда айырмасы дээрлик жок болуп калгандыгын айтышты", — деди ал.

Салика мындай жагдайдан кийин Москвадагы мигранттардын Кыргызстанга кайтам дегендердин толкуну пайда болгондугун, алар кыштан чыккандан кийин, жаз менен мекенине кайтуу ниетинде жүрүшкөндүгүн айтты. 

Бейрасмий маалыматтар боюнча 1 миллионго жакын кыргызстандык чет мамлекетте, алардын ичинен арбын бөлүгү Россияда иштеп жана жашап жүрөт.

Тема:
Бир миллионго жакын КР жараны эмгек миграциясында экени айтылат (21)

Тема боюнча

Рублдин кунунун түшүшү эмгек мигранттарына кыйынчылык жаратты
Укук коргоочу 56 миң адамды мыйзамсыз каттаган деп шектелүүдө
ФК башчысы: ЕврАзЭШке киргенде Россияда иштөө оңой болот
Белгилер:
Салика Ибраимова, Россия

ЭҢ МААНИЛҮҮ