БИШКЕК, 7-дек. — Sputnik. Казакстандык Novaliveband рок-группасы кыргызстандык вайнер Данияр Токтомамбетовдун (MC_doncha) сүйүү тууралуу "Слезы тикли вверх" ырын аткарды.
Алар ырды домбра менен элеткрондук гитаранын коштоосунда ырдашкан. Даяр ырды музыкалык топтун үн продюсери Ернар Смагулов Интернетке жарыялаган.
Смагуловдун айтымында, алар биринчи жолу ырды Cover-стилинде аткарып жатышат.
"MC_Doncha лакап аты менен белгилүү болгон баланын сүйүү тууралуу чыгарган ыры социалдык тармактарда кеңири жайылып, көпчүлүк колдонуучулардын көңүлүн бурган. Ал бир гана Кыргызстанда эмес Казакстанда да белгилүү болду. Биз да мүмкүнкүчүлүктү кое бербей ырдын cover-версиясын чыгардык. Домбра менен электрондук гитарынын айкалышы жакшы болду", — деген пикирин продюсер Смагулов Sputnik Кыргызстан агенттигине билдирди.
Ырдын аранжировакасы Igemon Records үн жазуучу студиясында жасалган. Ал эми ыр Максат Хасановдун AIMVI Production музыкалык долбоорунун жамаатына таандык.
MC_Doncha лакап аты менен белгилүү Токтомамбетовдун бул ыры россиялыктарды да кайдыгер калтырган эмес. Тимати, Jah Khalib, "А-Студио" тобунун аткаруучусу Кэти Топурия өздөрүнүн Instagram баракчасынан бөлүшкөн. Андан сырткары, Михаил Галустян дагы жылуу пикирин билдирген.
