Евробиримдик КР бюджетин колдоо иретинде 30 млн. евро бөлөт

© Sputnik / Владимир Астапкович / Медиабанкка өтүүЕвро биримдигинин желеги. Архив
Евро биримдигинин желеги. Архив - Sputnik Кыргызстан
Жазылуу
Министрлик аз камсыз болгон үй-бүлөлөрдүн балдары үчүн төлөнө турган кепилденген минималдык кирешени жылына 10 пайызга жогорулатууга милдеттендирилүүдө.

БИШКЕК, 18-июнь — Sputnik. Кыргызстандын бюджетин колдоо иретинде Евробиримдик тарабынан 30 миллион евро бөлүнө турганын Социалдык өнүктүрүү министрлигинин маалымат кызматы билдирет.

Маалыматка ылайык, Социалдык өнүктүрүү министри Кудайберген Базарбаев Евробиримдиктин Кыргызстандагы өкүлчүлүгүнүн башчысы Чезаре де Монтис менен жолугуп, социалдык коргоо багытында кызматташуунун негизги маселелерин талкуулады. 

"Кыргызстан өкмөтү менен жетишилген макулдашуунун негизинде Евробиримдик КР 30 миллион өлчөмүндө каражат бөлөт. Мында министрлик аз камсыз болгон үй-бүлөлөрдүн балдары үчүн төлөнө турган кепилденген минималдык кирешени жылына 10 пайызга жогорулатууга милдеттендирилүүдө. Министрлик өз кезегинде аталган жардамдын көлөмүн 15 пайызга көтөрүүнү демилгелеп жатат. Мындан тышкары, учурда интернаттарды жаңылантуу аракеттери көрүлүүдө", — деди министр.

Чезаре де Монтис социалдык өнүктүрүү жаатында жасалып жаткан иштердин натыйжалуулугун белгиледи.

"Евробиримдик менен Социалдык өнүктүрүү министрлигинин ортосундагы байланыш башка мекемелер менен кызматташууга үлгү болот", — деди элчи.

Мындан тышкары, сүйлөшүү учурунда кары адамдарга, оор шартта жашаган балдарга, мүмкүнчүлүгү чектелгендерге, селсаяктык жашоо сүргөн адамдарга карата кам көрүү боюнча иш алып барган жети борбордун мисалында кызматташуу маселелери көтөрүлдү.

Жаңылыктар түрмөгү
0