БИШКЕК, 4-май — Sputnik. Алмаз Алимбеков "Кыргызалтын" ААК башкармалыгынын төрагасынын милдетин аткаруучу болуп дайындалганы компаниянын расмий сайтында маалымдалды.
Ишкананын башкармалыгынын мурдагы жетекчиси Токон Мамытов "Кумтөр" маселеси боюнча премьер-министр менен пикири келишпегендиктен отставкага кеткен. Ал кеткенден кийин башкармалыктын жетекчисинин милдетин аткаруучу болуп Кылычбек Шакиров дайындалган. Ал да өз ыктыяры менен кызматтан кетти.
Алимбеков буга чейин өкмөт аппаратынын өнөр-жай, жер казынасын колдонуу жана отун-энергетика бөлүмүн башчысынын орун басары кызматын ээлеп келген.
15-майда "Кыргызалтынтын" акционерлеринин жыйыны болот. Жыйында компаниянын директорлор кеңешинин курамы аныкталат.
