БИШКЕК, 1-июн. — Sputnik. Казакстан өкмөттөр аралык келишимге өзгөртүү киргизүүнү иштеп чыкты. Ага ылайык, Кыргызстан менен Казакстандын жарандары эки өлкөдө каттоосу жок 30 күнгө чейин жүрө алат. Бул тууралуу Новости-Казакстан агенттиги билдирди.
Буга чейин КРдин миграция боюнча мамлекеттик кызматынын жетекчисинин орун басары Алмазбек Асанбаев Кыргызстанга келген казак жарандарын каттоосу жок жүрүү режимин 30 күндөн 5 күнгө чейин кыскартууну сунуштаган. Себеби, Кыргызстандын жарандары Казакстанда 5 күн гана каттоосу жок жүрө алат.
Учурда кыргыз жана казак тараптар бул маселенин үстүндө иштеп жатат. Ага ылайык, эки мамлекеттин жарандарына аталган өлкөлөрдө каттоосу жок 30 күнгө чейин жүрүүгө уруксат берүү каралган.
