Россиянын Ковров шаарында кулчулукта жүргөн 17 кыргызстандык бошотулду

© предоставлено Айымкан КулукеевойКулчкулута жүргөн кыргыздар жашаган жер.
Кулчкулута жүргөн кыргыздар жашаган жер. - Sputnik Кыргызстан
Жазылуу
Айтылган дарек боюнча текшерүүгө келген элчиликтин өкүлдөрү сыртынан бекитилген имаратка туш болушкан. ӨКМ кызматкерлери эшикти талкалап, анын ичинде тынымсыз иштеген 17 кыргызстандык жаранды аныкташкан.

БИШКЕК, 23-ноя. — Sputnik. Россиянын Владимир облусундагы Ковров шаарында эмгек кулчулугунда жүргөн 14 кыргызстандык жаран аныкталганын Россиядагы элчилик кабарлады.

Билдирүүгө ылайык, алданып кулчулукка туш болгон кыргызстандыктар тууралуу маалыматты текшерүү максатында Росиядагы КРдин элчилиги аталган шаарга барып, териштирүү жүргүзүп келген. 

Алдын ала маалымат боюнча өзүн "Чыныгүл" деп тааныштырган кыргызстандык аял 14 мекендешин чогултуп, жол киресин төлөп, Ковров шаарына тигүү фабрикасында иштетүүгө алып келген. Жолду катар аларга айына 80-90 миң рубль убадаланган.

© предоставлено Айымкан КулукеевойДокументы и паспорта эксплуатированных граждан Кыргызстана.
Документы и паспорта эксплуатированных граждан Кыргызстана. - Sputnik Кыргызстан
Документы и паспорта эксплуатированных граждан Кыргызстана.

Аталган окуя тууралуу Россиянын Ковров шаары боюнча ИИБ кабардар болуп, текшерүүчүлөр менен бирге аталган дарекке ӨМК жана полиция өкүлдөрүнөн 15 киши кошулган.

Дарек боюнча келгендер сыртынан бекитилген тигүү цехинин темир эшигин атайы адистер ачып, ичинде 17 кыргызстандык жарандын иштеп жатканы белгилүү болгон. Арасында "Чыныгүл" чогулткан 14 жарандын 8и аныкталган.

Териштирүү маалында ишкананын администратору жарандар келери менен паспортун алып, бир тараптуу жасалма келишим түзгөнү маалым болду. Салык төлөмү катары ар бир жумушчудан ай сайын 5 миң рублден акча алынып турган. Мындан тышкары, эмгек абдан төмөн бааланып, айына болгону 7-8 миң рублге иштеп келишкен. Тигүүчүлөр цехтин жанындагы бөлмөдөн тамактанып, нымдуу, жашоого ылайыкташпаган жайда күн көрүп келишкен. 

Кулчулукта жүргөн кыргызстандыктарды бошотуу үчүн РФтин ӨКМ кызматкерлери эшикти сындырды
Текшерүүнүн жыйынтыгы менен Кыргызстандын сегиз жаранынын паспорту кайтарылып, өз каалоосу менен Москва облусундагы ири цехке расмий түрдө жумушка орноштурулган. Калган тогуз жаран Чыныгүл менен болгон туугандын байланышынан улам жумушка орношуудан баш тарткан. 

Полициянын билдирүүсүндө текшерүү учурунда аталган цехтен белгилүү бренддердин эн белгилери, даяр кийим-кече табылган. 

Учурда аталган факт боюнча чогултулган материалдар ИИБ тарабынан каттоого алынып, иликтөө иштери жүрүп жатат. Көрүлүүчү чаралар Россиянын мыйзамына ылайык кабыл алынат.

Жаңылыктар түрмөгү
0