Кыргызстандык мигранттардан келген акча солгундап калды

© Sputnik / Михаил Мордасов / Медиабанкка өтүүБанктан акча алуу. Архив
Банктан акча алуу. Архив - Sputnik Кыргызстан
Жазылуу
Министрдин орун басары Россияда иштеген мигранттардын акча которуусунун азайышына дүйнөлүк каатчылык жана батыш мамлекеттеринин Россияга карата жарыялаган санкциялары таасир этип жатканын белгиледи.

БИШКЕК, 4-ноя. — Sputnik. Жыл башынан бери Россияда иштеген мигранттардан келген акчанын көлөмү былтыркыга салыштырмалуу 28,3 пайызга кыскарганын экономика министринин орун басары Данияр Иманалиев билдирди.

Анын айтымында, бул коңшу мамлекеттерге караганда бир топ алгылыктуу көрсөткүч.

"Акча которуунун азайышына дүйнөлүк каатчылык жана батыш мамлекеттеринин Россияга карата жарыялаган санкциялары таасир этип жатат. Бирок бул башка өлкөлөргө караганда кыйла жогорку көрсөткүч. Мисалы, Тажикстанда которулган акчанын көлөмү 51, Азербайжанда 45,9, Молдовада 51, ал эми Өзбекстанда 54,8 пайызга кыскарган. Бул кыргызстандык мигранттардын ЕАЭБ алкагында берилген артыкчылыктарга байланыштуу", — деди Иманалиев.

Ал каатчылыктан улам өлкөнүн тышкы экономикалык товар жүгүртүүсү да өзгөрүүлөргө дуушар болгонун белгиледи. 

"Кыргызстанда импорт 21,5 пайызга, ал эми экспорт үч пайызга түштү. Кыйынчылык дүйнө жүзүн каптаганын эске алсак, мындан эч ким куру кала алмак эмес", — деди адис. 

Иманалиев каатчылыкка Кыргызстан ЕАЭБге кирбесе да тушугарын кошумчалады.

Жаңылыктар түрмөгү
0