БИШКЕК, 10-окт. — Sputnik. Россиянын Тюмень шаарында кыргыз диаспорасы тарабынан уюштурулган "Бактылуу балалык" аттуу балдарга арналган майрам болуп өткөнүн "Замандаш" ассоциациясы билдирди.
Маалыматка ылайык, иш-чара Тюмень облусунда жашаган кыргыздардын башын бириктирип, анда мигранттардын балдары ата-энелерине талантын тартуулашты.
"Майрамда кыргыздар чогулуп, баарлашып, кийинки муунга үй-бүлөлүк баалуулуктар тууралуу түшүнүк берип, бактылуу балалыктын чөйрөсүн түзүүгө аракет кылдык", — деди Тюмендеги кыргыздардын "Биримдик" аттуу диаспорасынын төрайымы Канзада Сманова.
Иш-чара комузчулардын "Ибарат" жана бийчилердин "Ак шоола" менен "Байчечекей" бий топторунун өнөрү менен коштолду.
