Донбасстагы убактылуу элдешүү

Жазылуу
Минскте "нормандиялык төртилик" деп аталган Франциянын, Германиянын, Россиянын жана Украинанын мамлекет башчыларынын Украина боюнча сүйлөшүүлөрү аяктады. Саясатчылар көп саатка созулган жолугушууда эмнелер жөнүндө макулдашууга жетишкенин инфографикадан караңыз.

Белоруссиянын борборунда өткөн сүйлөшүүлөрдүн жыйынтыгы боюнча байланыштыргыч топтун Минск макулдашууларын аткарууга багытталган иш-чаралары жөнүндө документке кол коюлду. Тараптар ошондой эле Донбаста ок атууларды 2015-жылдын 15-февралында түнкү саат 00.00дө токтотуп, коопсуз тилкени түзүү үчүн оор куралдарды алыс алып кетүү, барымтага алынгандарды "баарын баарына" принциби боюнча алмаштыруу, бардык чет элдик аскер курамдары менен техниканы алып чыгып, жергиликтүү шайлоолорду Украинанын мыйзамдарына ылайык өткөрүү жөнүндө макулдашты.

Украинада ок атуулар 15-февраль түнү токтотулат
Жаңы келишимге ылайык, украин аскери тирешүүнүн анык чегинен, ал эми ыктыярчылар тобу 2014-жылдын 19-сентябрында Минск меморандумунда аныкталган тирешүү чегинен оор куралдарын алыс жылдырууга тийиш. Бул ок атуулар токтотулгандан кийин эки күндөн кечиктирбей башталып, 14 күн ичинде аякташы керек. Ок атууларды токтотуп жана куралдарды алып кетүү процессине жана тартиптин сакталышына көз салып, текшерип туруу милдети ЕККУ миссиясынын өкүлдөрүнө жүктөлдү. 

Андан тышкары, кол коюлган документте чыр-чатак жүрүп жаткан бардык аймакта Украина өкмөтү мамлекеттик чек араны кайра толук көзөмөлгө алышы каралган. Ал жергиликтүү шайлоолордон кийинки биринчи күнү башталып, борборлоштурулган бийликти жоюу каралган жаңы конституция жана Донецк менен Луганск областтарынын өзгөчө статусу жөнүндө мыйзам кабыл алынса, толук саясий жөнгө салуу ишке ашкандан кийин, 2015-жылдын аягында бүтүшү керек.

Жаңылыктар түрмөгү
0