ИИМ: 20 миң долларга чукул акча жасалмалагандар кармалды

© AFP / LUIS ROBAYOСлучаи подделки долларов в Колумбии
Случаи подделки долларов в Колумбии - Sputnik Кыргызстан
Жазылуу
Учурда Баткенде, Бишкекте, Нарында кармалган жарандардын дагы башка жасалма акча даярдоого тийиштигинин бар-жогу текшерилүүдө.

БИШКЕК, 21-дек. — Sputnik. Баткен шаарынын 28 жаштагы тургуну жасалма беш миң доллар менен кармалганын ИИМдин маалымат кызматы билдирди.

Ички иштер министрлигинин баңгизатын мыйзамсыз сатууга каршы күрөшүү башкы башкармалыгынын атайын иш-чарасынын жүрүшүндө 19-декабрда чет элдик акча жасап, аларды өткөрүүгө аракет кылган Баткен облусунун эки тургуну кармалган.

"Атайын иш-чаранын жүрүшүндө Баткен районунун Кызыл-Бел айылынан жасалма долларды сатууга аракет кылган Баткен шаарынын 28 жаштагы эки тургуну кармалды. Алардын жанынан 50 даана жасалма жүз доллар (жалпы суммасы 5 миң доллар) табылган", — деп айтылат маалыматта.

Алынган акчаларга тийиштүү экспертизалар дайындалып, шектелгендер убактылуу кармоо жайына киргизилди. Ошондой эле Кылмыш жаза кодексинин 198-беренеси (Жасалма акчаларды же баалуу кагаздарды даярдоо, сактоо жана сатуу) боюнча кылмыш иши козголгон.

Ушундай эле жасалма доллар менен декабрь айынын башында Бишкектен дагы бир киши кармалган. Ал жасалма 900 доллар төлөп, баалуу телефон алган. Сатуучу акчанын жасалма экенин дароо байкаган эмес. Кийин ал милицияга арыз менен кайрылган.

Китайская платежная система UnionPay заработала в Крыму - Sputnik Кыргызстан
Бишкекте банктык картадан 10 миң сом уурдоого шектелген кыз кармалды
Ыкчам иликтөө иш-чараларынын жыйынтыгында Бишкек ШИИБдин Кылмыш иликтөө башкармалыгы менен Октябрь РИИБдин кызматкерлери алдамчылыкка шектүү катары Нарын облусунун 26 жаштагы жаранын кармаган. Ал 2007-жылы уурулук, 2009-жылы каракчылыкка айыпталып, кесилгени аныкталган. 

Андан кийинки иликтөө иштеринин натыйжасында Жалал-Абад облусунун 23 жаштагы тургуну да акча жасоого тийиштиги бар деп кармалган. Аны тинтүү учурунда жанынан жасалма 14 миң 300 АКШ доллары табылган. Иликтөө иштери улантылып, Нарын облусунун 23 жаштагы дагы бир тургуну кармалган. Бул үч жаранга карата алдамчылык, акчаларды жасалмалоо боюнча кине коюлган. Алар Бишкек шаарынын Октябрь райондук сотунун чечими менен камакка алынган.

Учурда Баткенде, Бишкекте, Нарында кармалган жарандардын ушул сыяктуу иштерге тийиштигинин бар-жогу текшерилүүдө.

Жаңылыктар түрмөгү
0