БИШКЕК, 17-дек. — Sputnik. Өзбек чек арачылары тарабынан кармалган үч кыргызстандык жарандын экөө кое берилгенин Чек ара кызматы билдирди.
16 Бештин айы 2016, 12:16
Маалыматка ылайык, 11-декабрь күнү тумандан улам жолдон адашып кеткен үч кыргызстандыкты Өзбекстандын аймагынан аталган өлкөнүн чек арачылары кармап алган. Беш күндөн бери аталган жарандар Чуст райондук ички иштер бөлүмүндө болуп келишкен.
Бул факт боюнча эки өлкөнүн чек арачылары тарабынан сүйлөшүүлөр жүрүп, натыйжада кечээ эки кыргызстандык кое берилди. Алардын абалы дурус экени айтылууда. Өзбек тарап үчүнчү жаран өздүгүн тактаган документтери келгенден кийин бошотуларын белгиледи.
