БИШКЕК, 5-дек. — Sputnik. Кара-Кулжа районунда 4-декабрь күнү кар көчкү түштү. Бул тууралуу ӨКМ маалымат кызматы билдирет.
Маалыматка ылайык, таңкы саат 04:00-05:00 чамасында Мырзаке — Кара-Кулжа — Алайкуу унаа жолунун 77-чакырымында (Тамчы чегинде) көлөмү 360 метр куб болгон кар көчкү түшкөн.
Унаа жол жабылган эмес. Саат 10:20ларда жолдун көчкү түшкөн жери толугу менен тазаланган. Тазалоо иштерине райондук жол тейлөө ишканасынын техникасы тартылган.
