09:50 09 Бештин айы 2016
Түз эфир
Түрмө. Архивдик сүрөт

Ошто Кыргызстан, Тажикстан, Россия издеген 12 кылмышкер кармалды

© Sputnik / Алексей Филиппов
Окуялар
Кыскача шилтеме алуу
17410

Мындан сырткары, адам өлтүрүү жана уурулукка шектелип эки кылмышкер изделүүдө.

БИШКЕК, 1-дек. — Sputnik. Ошто Кыргызстан, Тажикстан, Россия сотунан качкан 12 кылмышкер кармалды. Бул тууралуу Ош ОИИБ маалымат кызматы билдирди. 

Маалыматтар боюнча, анын тогузу Россиянын тартип коргоочулары тарабынан изделип жатса, бири тажикстандык кылмышкер.

"Кармалган адамдар Жаза кодексинин уурулук, мыйзамсыз түрдө баңгизатты алып жүрүү, жол кыймылын бузуу, пара берүү жана жасалма документ жасоо беренелери боюнча изделип жатышкан", — деп жазылат маалыматта. 

Мындан сырткары, Жаза кодексинин адам өлтүрүү жана уурулук беренелери боюнча эки кылмышкер изделүүдө.

Учурда кармалган адамдар Ички иштер башкармалыгына өткөрүп берилди.

Соттон жашынып жүргөн чет элдик адамдар тергөө аяктаган соң өз өлкөлөрүнө экстрадицияланат.

Тема боюнча

"Кыргызтелеком" ишканасынын жетекчилигине кылмыш иши козголду
Сузак: арак аралашкан кылмыш. Талаада кыйылган аялдын өмүрү жана актанган таксист
Белгилер:
кылмышкер, тергөө, сот, Ош

ЭҢ МААНИЛҮҮ