БИШКЕК, 20-окт. — Sputnik. Бүгүн түнү Баткенде эпицентринде үч балга жеткен жер титирөө болгонун ӨКМ билдирди.
Маалыматка ылайык, жердин силкинүүсү саат 2.00дө катталган. Мында анын очогу Өзгөрүш айылынан 10 чакырым, Берик-Суу айылынан түштүк-батышты карай 15, Сүлүктү шаарынан түштүк-чыгышты карай 50 жана Баткен шаарынан түштүк-батышты карай 80 чакырым алыстыкта жайгашкан.
Аймактагы айылдарда жер титирөөнүн күчү 2,5-3 балл болуп сезилген. Жабыркагандар жана кыйроолор катталган жок.
