БИШКЕК, 2-сен.— Sputnik. Экинчи дүйнөлүк көчмөндөр оюндары өтүүчү Кырчын жайлоосунда катуу жааган жаандан улам 20 боз үйдү суу каптады. Бул тууралуу ӨКМ билдирди.
Маалымкатка ылайык, бүгүн 2-сентябрда түшкө маал Кырчын жайлоосунда катуу жаан жааган. Боз үйлөр кокту нугуна тигилип калгандыктан аларды суу каптаган.
Учурда ӨКМдин 50 куткаруучусу боз үйдөгү сууларды тазалап жатышат.
Экинчи дүйнөлүк көчмөндөр оюндары Ысык-Көл облусунда 2016-жылдын 3-8-сентябрында өтөт.
Sputnik Кыргызстан маалымат агенттиги жана радиосу Көчмөндөр оюндарынын расмий медиа өнөктөшү.
