БИШКЕК, 11-авг. — Sputnik. Кыргыз паспортун мыйзам бузуу жолу менен алган 63 жаштагы цыган улутундагы жаран кармалгандыгын ИИМ билдирди.
10 Баш оона 2016, 15:06
Маалыматка ылайык, кармалган жаран Мамлекеттик каттоо кызматынын Чүй облустук башкармалыгы тарабынан башка ысым менен паспорт алып, бир канча ирет чет өлкөлөргө чыгып турган.
Тергөө учурунда кармалган жаран боксчу Иван Климовдун өлүмүнө шектелип, Россия тарабынан эл аралык издөөгө жарыяланган. Кийинчерээк Бишкектен колго түшкөн Ян Лебедовдун атасы болоору аныкталган.
Мындан сырткары, 63 жаштагы кишинин буга чейин баңгизат ташыгандыгы үчүн Россияда соттолгондугу белгилүү болгон.
Учурда ИИМ Чүй облустук прокуратура менен биргеликте мыйзамсыз паспорт бергендер боюнча кылмыш ишин козгоп, тергөө амалдары башталды.
