БИШКЕК, 3-авг. — Sputnik. Кечээ, 2-августта Кочкор менен Алай райондорунда эки бала сууга агып кеткенин ӨКМ билдирди.
Маалыматка ылайык, Кочкордун Кара-Тоо айылында Бишкек шаарынын Ак-Босого жаңы конушунан барган үч жаштагы бала сууга түшүп кеткен. Куткаруучуларга билдирүү саат 16.10до түшкөн. Бир сааттан кийин баланын жансыз денеси ата-энесине өткөрүп берилди.
Ал эми Алайдын Будалык айыл аймагындагы Кум-Шоро айылында 10 жаштагы бала сууга түшүп кеткендиги тууралуу маалымат 18.57де түшүп, куткаруучулар бир сааттан кийин анын жансыз денесин туугандарына өткөрүп беришкен.