БИШКЕК, 4-апр. — Sputnik. Токтогулда Toyota Previa унаасынын айдоочусу жолдо уктап калып, алдында бара жаткан Mercedes-Benz фурасын сүзгөн деп билдирет ӨКМ.
Маалыматка ылайык, кырсык Бишкек — Ош унаа жолунун 293-чакырымында болгон. Toyota Previa унаасындагы беш жүргүнчү Тажикстандын жарандары экени айтылууда.
Министрлик кырсыктан машинадагылар жеңил жаракат алышканын, бирок эч кимиси ооруканага кайрылбаганын билдирди.
