БИШКЕК, 9-фев. — Sputnik. Кыргызстанда кечээ саат 23.22де жер титирегенин ӨКМ билдирди.
Сейсмология институтунун маалыматына ылайык, силкинүүнүн очогу Кыргыз тоо кыркаларынын түндүк тарабында Бишкек шаарынан түштүк-чыгышты көздөй 50 чакырым аралыкта катталып, магнитудасы 3 баллга жеткен.
Калк жайгашкан аймактар — Арпа-Тектир, Карагай-Булак, Ысык-Ата аймактарында 2,5 балл, ал эми Кегети, Юрьевка айылдарында эки балл болуп сезилди.
Жер титирөөдөн жабыркагандар катталган жок.
