Бажы кызматкери милицияга 25 миң сом пара берип жатып кармалды

© Sputnik / Табылды КадырбековБажы кызматынын автоунаасы. Архив
Бажы кызматынын автоунаасы. Архив - Sputnik Кыргызстан
Жазылуу
Кармалган жаран "Манас" бажысынын ага инспектору экени аныкталды. Ал акчаны буга чейинки мыйзам бузууларын жаап-жашыруу үчүн сунуштаган.

БИШКЕК, 29-янв. — Sputnik. "Манас" бажысынын техникалык көзөмөл бөлүмүнүн ага инспектору милиция кызматкерине 25 миң сом пара берип жаткан жеринен кармалганын ИИМ билдирди.

Кол кишен жана акча. Архив - Sputnik Кыргызстан
УКМК: эсеп палатасынын инспектору 900 доллар пара алып жатып кармалды
Маалыматка ылайык, текшерүү учурунда Toyota үлгүсүндөгү унааны каттоодон өткөрүүдө одоно мыйзам бузуулар аныкталган. Инспектор милиция кызматкерине ишти оң жагына чечүү үчүн пара сунуштаган. Милиционер ИИМдин 5-Башкы башкармалыгынын жетекчисине арыз менен кайрылып, пара сунуштоо фактысы тууралуу кабардар кылган.

Бул боюнча жыйналган материалдар Чүй облустук прокуратурага жөнөтүлүп, "Пара берүү" беренесинин негизинде кылмыш иши козголгон. 27-январь күнү "Манас" бажысынын инспектору 25 миң сом өлчөмүндө пара берип жаткан жеринен колго түшүрүлдү.

Учурда ал убактылуу кармоочу жайга киргизилип, тергөө иштери жүрүп жатат.

Жаңылыктар түрмөгү
0