Жумгалдагы жер титирөөдөн 140 турак жай жабыркаган

© Фото / пресс-служба мэрии города ОшЖер титирөөдөн жабыркаган үй. Архив
Жер титирөөдөн жабыркаган үй. Архив - Sputnik Кыргызстан
Жазылуу
Сариев Жумгалга болгон иш сапарынын алкагында жергиликтүү тургундар менен баарлашып, аймакты өнүктүрүү үчүн белгиленген бир катар долбоорлор менен тааныштырды.

БИШКЕК, 6-янв. – Sputnik. Былтыркы жылдын 7-декабрында болгон жер титирөөдөн Жумгал районунда 140 турак-жай жабыр тартып, анын ичинен 3-4-даражада жабыркаган 37 үйдүн тизмеси толук такталды. Бул тууралуу өкмөт башчы Темир Сариевдин аталган аймакка болгон иш сапарынын учурунда белгилүү болду.

Анын алкагында премьер-министр Миң-Куш айылындагы жер титирөөдɵн жабыр тарткан Ажыке Ибраимов атындагы орто мектептин абалы менен таанышып, жергиликтүү тургундар менен жолукту. 

Куруучулар. Архив - Sputnik Кыргызстан
Сариев: сапатсыз курулуш жер титирөөгө туруштук бере албайт
Маалыматка ылайык, учурда табигый кырсыктан жапа чеккен элге мамлекет тарабынан жардам берилип жатат. 

Жергиликтүү тургундар Сариевге аймактагы кɵмүр казып жаткан ишканалар социалдык пакеттерди тɵлɵбɵй жана техникалык эрежелерди сактабастан иш алып барып жатканын айтышты. 

Мындан улам премьер-министр "Кыргызкɵмүр" ишканасына жана өкмɵт алдындагы техника-экологиялык коопсуздук боюнча мамлекеттик инспекцияга аталган маселени карап чыгууну тапшырып, аймакты ɵнүктүрүү үчүн ишке ашырылчу бир катар долбоорлор боюнча тургундарга маалымат берди.

Жаңылыктар түрмөгү
0