БИШКЕК, 23-дек. — Sputnik. Баткен облусунун Лейлек районунда жеке ишканалар тарабынан көмүрдү мыйзамсыз казып алуу фактыларын табылганын УКМК билдирди.
Маалыматка ылайык, текшерүү учурунда "Ак-Тилек", "Таш-Короо" жана "Кулунду Алмаз" ишканалары көмүрдү уруксат берилген аянттан сырткаркы "Сүлүктү-Көмүр" аймагында да жүргүзүшкөн. Мындан тышкары, мында өнөр жай жана өрт коопсуздуктарынын талаптары менен ченемдери бузулган.
Бул факты боюнча Баткен облусунун прокуратурасы кылмыш жаза кодексинин "Мыйзамсыз ишкердик кылуу" жана "Өзүм билемдик" беренелерине ылайык кылмыш ишин козгоду. Азыркы маалда тергөө иштери жүрүп жатат.
УКМК көмүр казууда коопсуздук техникасы сакталышы зарыл экенин, болбосо жумушчулардын денесине оор залал келтирилип, курмандыкка же башка оор кесепеттерди алып келиши мүмкүн экенин эскертет.
