БИШКЕК, 28-ноя. — Sputnik. Мончосун тигүү цехинен чыккан калдык жана синтетикалык заттар менен ысыткан жаранга карата административдик жоопкерчиликке тартуу боюнча протокол түзүлгөнүн мэрия билдирди.
15 Аяк оона 2015, 08:51
Маалыматка ылайык, аталган факт шаардык муниципалитеттин алдындагы санитардык-экологиялык инспекциянын күн сайын жүргүзүүчү рейдинин натыйжасында аныкталган.
Борбор калаанын Кулиев көчөсүндө жайгашкан жеке менчик мончонун ээси Токебаев аттуу жаран тигүү цехинен чыккан калдыктарды өрттөп, айлана-чөйрөгө зыян келтирип келген.
Бул боюнча аталган жаранга карата протокол түзүлүп, ал Биринчи Май райондук комиссиянын кароосуна жөнөтүлдү.
