Кыргызстандын түштүгүндө кайтадан жер силкинди

Жазылуу
Ош облусунда жер титирөөнүн күчү 3,5 балдай сезилген.

БИШКЕК, 24-ноя. —Sputnik. Кыргызстандын түштүгүндө кайтадан жер силкинди. Бул маалыматты ӨКМдин маалымат катчысы Абдишарип Бекилов Сеймология институтунун маалыматына таянуу менен билдирди.

Алдын ала маалыматтарга ылайык, саат 20.54төрдө жер титиреп, анын очогу Ош шаарынан 35 чакырым алыстыкта орун алып, эпицентрде 4 балл болгон.

"Ош шаарында 3 – 3,5 балл сезилген. Алдын ала маалыматтар боюнча жабыркагандар жок", — деди ал.

Алайда кайрадан жер титиреди. Турмуш жолуна аттанган эки жаштын тоюнда свет очуп, конокторду бир топ бушайманга салды. КУДАЙ САКТАСЫН!

Posted by Нургазы Каримов on 24 ноября 2015 г.

Ош шаарынын тургуну Айгүл Алымсейитова чындап эле жердин силкингени байкалганын кээ бир жарандар шашып сырткар чыгууга аракет кылганын айтат.

"Бул жолу анчейин деле сезилген жок. Көп кабаттуу үйдүн жогорку кабаттарында жашагандарга сезилди окшойт. Кошуналарыбыз топурап түшүп жаткан", — дейт ал.

Талкаланган үй. Архив - Sputnik Кыргызстан
Акыркы он жылда Кыргызстанда болгон эң катуу жер титирөөлөр
Жер титирөө Алай районунда дагы сезилгенин жергиликтүү тургундар социалдык тармактарга жазды. Нургазы Каримов аттуу жаран үйлөнүү үлпөт тоюнда жер титирөөдөн улам жарык өчүп калып, конокторду бушайман кылганын билдирди. 

Белгилей кетсек, 17-ноябрдан 18-ноябрга караган түнү Ош облусунда 7 баллга жеткен жер титирөө катталып, жергиликтүү тургундарга бир топ зыян алып келген. Анын кесепетинен жүздөгөн үй жараксыз болуп, жабыр тарткан элге чатыр жана керектүү жардамдар берилүүдө.

Жаңылыктар түрмөгү
0