БИШКЕК, 12-авг. — Sputnik. Кыргызстанда жасалма монеталар айлантыла баштады деп билдирди Улуттук Банктын маалымат кызматы.
Алар өтө чоң суммадагы акча болбогондуктан, азырынча Кыргызстандын экономикасына абдан олуттуу кооптуулук жарата албайт.
"Акыркы учурларда 10 сомдук монеталар акча жүгүртүүгө чыга баштады. Алар коммерциялык банктар Улуттук Банкка акчаны санап өткөрүп жатканда чыгып калып жатат", — деп билдиришти маалымат кызматынан.
Аталган ведомствонун билдиргенине караганда, бүгүнкү күндө Кыргызстанда алардын саны анча көп эмес.
"Андыктан жасалма монеталар акча айлантууда көбөйүп кетет деп тынчызданууга негиз жок", — деп айтышты аталган ведомстводон.
Укук коргоо органдары жасалма монета тараткандарды табуу боюнча тиешелүү иштерди жүргүзүп жатат.
