ӨКМ: жер көчкүдөн жабыркаган айылды көчүрүүгө 16 млн. сом талап кылынат

© пресс-служба МЧС КРӨКМ кызматкерлери Кыр-Жол айылында болгон жер көчкүдө жайында. Архив
ӨКМ кызматкерлери Кыр-Жол айылында болгон жер көчкүдө жайында. Архив - Sputnik Кыргызстан
Жазылуу
24-майга караган түнү Жалал-Абаддын Сузак районундагы Кыр-Жол айылында болгон жер көчкү беш үйдү басып калган.

БИШКЕК, 26-май — Sputnik. Сузак районунун Кыр-Жол айылынын жашоочуларын башка жерге көчүрүүгө 16 млн. сом керектеле турганын Sputnik агенттигине өзгөчө кырдаалдар министри Кубатбек Боронов билдирди. 

Акыркы маалыматтар боюнча жер көчкүдөн алты адам каза болгон. Мындан тышкары, учурда беш киши ооруканада жатат. Өкмөт жабыркагандар үчүн 440 миң сом өлчөмүндө каражат бөлүп берди. 

Бороновдун айтымында, көчүрүүгө үчүн мамлекет тарабынан 200 миң сом ссуда бөлүнгөн.

"Ссуда алууну каалабаган тургундар кайтарымсыз негизде 50 миң сом акча каражатын ала алышат. Президент кооптуу аймакта жашаган сегиз үй-бүлөнүн башка жакка көчүүсүн демилгеледи. Айылдын дагы бир катар жашоочулары коопсуз жерлерге көчүү ниетин билдиришти", — деди Боронов.

Министр учурда республика боюнча жер көчкү жүрүшү мүмкүн делген аймактар миңдеп саналарын, анын 1034ү ушу жылы активдешкенин белгиледи. Мындан тышкары, ӨКМ тарабынан Сузак районунун Чангет дарыясынын аймагында кошумча текшерүү жүргүзүлүп, бир катар айылдарда жер көчкү жүрүү коркучуну күч экени аныкталган. 

"Бардык жергиликтүү тургундар коркунуч тууралуу кабардар болушту. Тилекке каршы, жашоочулардын көбү ылайыктуу жердин жоктугунан жана туулуп-өскөн жерин таштап кетүү оор болгондуктан, башка жакка көчүүдөн баш тартышууда", — деди министр.

Боронов кооптуу аймактан көчүүдөн баш тарткан тургундар ӨКМ эч кандай дооматы жок экенин ырастоочу документ жазып беришерин белгиледи.

Жаңылыктар түрмөгү
0